काठमाडौं । नेपालमा विगत २४ घण्टामा ३ हजार १ सय ७५ जनामा कोरोना संक्रमण पुष्टि भएको छ ।
१० हजार २६ पीसीआर परीक्षणमा २ हजार ७ सय ४२ जना र २ हजार ५ सय ७९ एन्टिजेन परीक्षणमा ४ सय ३३ जनामा संक्रमण देखिएको स्वास्थ्य तथा जनसंख्या मन्त्रालयले जनाएको छ । पीसीआर परीक्षणको अनुपातमा आजको संक्रमण दर २७ दशमलव ३ प्रतिशत छ । डेढ हप्तायता परीक्षणको तुलनामा संक्रमण दर निरन्तर घटिरहेको छ ।
त्यसैगरी २४ घण्टामा ८ हजार ७ सय २३ जना संक्रमित निको भएका छन् । त्यस्तै २४ घण्टामा १४ जना संक्रमितको मृत्यु भएको छ । आज काठमाडौं उपत्यकामा भने १ हजार ५ सय ९ जना संक्रमित थपिएका छन् । स्वास्थ्य मन्त्रालयका अनुसार काठमाडौंमा १ हजार २ सय ४९, ललितपुरमा १ सय ८३ र भक्तपुरमा ७७ जना नया“ संक्रमित थपिएका छन् । हाल देशभर गरी ६३ हजार २ सय ९६ जना सक्रिय संक्रमित छन् ।
प्रतिक्रिया दिनुहोस्