काठमाडौं । भारतसग खरिद् गरेर त्रिपाल ओढाएर थन्क्याइएको रेल करिब १५ महिनापछि सञ्चालनमा ल्याइने भएको छ । भौतिक पूर्वाधार तथा यातायात मन्त्रालयले भारतको जयनगरदेखि धनुषाको कुर्थासम्मको ३४ किलोमिटर रेल सेवा सञ्चालनको अन्तिम तयारी भएको बताएको हो । मन्त्रालयले प्रधानमन्त्री शेरबहादुर देउवाको भारत भ्रमणको क्रममा रेल सेवा उद्घाटनको मिति तय हुने जनाएको छ । सरकारले गत बर्ष ८४ करोड ६५ लाख रुपैया“मा खरीद गरेका दुईवटा रेल गत वर्षको असोजदेखि धनुषाको इनर्वा स्टेशनमा त्रिपालले ढाकेर राखिएको छ । लामो समयसम्म ट्रयाकमा त्रिपाल ओढाएर राखिएको भन्दै तीब्र आलोचना भइरहे पनि सरकार भने रेल खरिद् गरेको करिब १५ महिनामा बल्ल सञ्चालनको अन्तिम तयारीमा जुटेको हो । भौतिक पूर्वाधार तथा यातायात मन्त्री रेनुकुमारी यादवले तत्काल रेल सञ्चालनमा ल्याउने गरी सम्पूर्ण तयारी भइसकेको बताउदैं प्रधानमन्त्री देउवाको भारत भ्रमण क्रममा दुई देशका प्रधानमन्त्री बीचको छलफलपछि उदघाटनको मिति तय हुने जानकारी दिनुभयो ।
प्रधानमन्त्री देउवाले यही पुस २५ देखि २७ सम्म भारत भ्रमण गर्ने तयारी भएको छ । यद्यपी, प्रधानमन्त्री देउवाको भारत भ्रमणको मिति र कार्यक्रम भने सार्वजनिक भइसेकेको छैन । यता, भौतिक पूर्वाधार तथा यातायात मन्त्रालयमा सचिव रविन्द्रनाथ श्रेष्ठले पनि जनकपुर–जयनगर रूटमा रेल सञ्चालनको सबै तयारी पुरा भएको जानकारी दिदैं भारत सरकारको तर्फबाट उदघाटनको मितिको प्रतिक्षामा रहेको बताउनुभयो । यस्तै, भौतिक पूर्वाधार तथा यातायात मन्त्रालयमा सचिव श्रेष्ठले केही नदीमा आन्तरिक जलमार्ग विकासको लागि काम भइरहेको पनि जानकारी दिनुभएको छ । उहा“ले चालु आर्थिक बर्षभित्रै कर्णाली, कालिगण्डकी, कोशी, नारायणी र त्रिशुली नदीमा जलमार्ग सञ्चालनको लागि सम्भाव्यता अध्ययन गरिने बताउनुभयो ।
प्रतिक्रिया दिनुहोस्