काठमाडौं । नेकपा माओवादी केन्द्रका नेता लेखनाथ न्यौपानेले पार्टी अध्यक्ष प्रचण्डलाई लक्षित गर्दै माओवादीमा पनि अर्को रुपको ‘बा प्रवृत्ति’ देखिएको उल्लेख गर्नुभएको छ । न्यौपानेले प्रचण्डको प्रतिवेदनमाथि उपत्यका विशेष प्रदेशको छलफलका क्रममा १० बु“दे लिखित फरक मत राख्दै भनेका छन् आफूहरु सबै मुख्यतः कमरेड अध्यक्षमा आत्मकेन्द्रित व्यक्तिवादको समस्या देखिएको दावी गरिएको छ ।
‘तपाईंका प्रायः सबै सार्वजनिक अभिव्यक्तिमा हाम्रो वर्ग, हाम्रो पार्टी, हाम्रो आन्दोलन र हाम्रो केन्द्रीय समितिको निर्णय भन्ने कतै सुनिंदैन । सुनिन्छ त म, मेरो, मेलै, प्रचण्डले मात्र’, फरक मतमा भनिएको छ, ‘यसको एउटा उदाहरण तपाईंले नेकपा कालमा केपी ओलीलाई लेखेको पत्रमा म भन्ने शब्द ३४ पटक दोहोरिएको छ भने हामी भन्ने एक ठाउ“मा मात्र ।’ ने क पा एमाले अध्यक्ष ओलीभित्रको बा प्रवृत्तिले कम्युनिष्ट आन्दोलनमा पारेको नकारात्मक प्रभावको खण्डन गर्दै गर्दा आफूहरुभित्रै पनि अर्को रुपको बा प्रवृत्ति देखिएको न्यौपाने उल्लेख गर्नुभएको छ ।
न्यौपानेले आफैं सशरीर उपस्थित भएको ठाउ“ कमलादीमा प्रचण्डको लस्करै तस्वीर राख्न कसले निर्देशन दिएको हो भन्ने प्रश्न समेत गर्नुभएको छ । ‘कमरेड अध्यक्ष, त्यो ठाउ“मा दिलबहादुर वा सुरेश वाग्ले अथवा शहीदहरुको तस्वीर राखेको भए हाम्रो संस्कृति कति सुसंगत हुन्थ्यो होला ?’ फरक मतमा न्यौपानेले भन्नुभएको छ ।
प्रतिक्रिया दिनुहोस्