काठमाडौं । नेकपा क्रान्तिकारी माओवादीका नेता सीपी गजुरेलले नेकपा (माओवादी केन्द्र) स“ग एकताका लागि तीनवटा सुझाव दिनुभएको छ । माओवादी केन्द्रको आठौं महाधिवेशन उदघाटनमा शुभकामना मन्तव्य दिंदै गजुरेलले अध्यक्ष पुष्पकमल दाहाल ‘प्रचण्ड’ले पूर्वमाओवादीहरू एक हुन गरेको आग्रहलाई सकारात्मक रूपमा लिएको बताउनुभयो । तर त्यसका लागि केही आधारहरू तयार हुनुपर्ने उहा“को भनाइ थियो । नेता गजुरेलले एकता गर्ने भए जनयुद्ध पुर्वको केन्द्रीय कमिटीले गरेका प्रतिवद्धताहरु पुरा हुनुपर्ने बताउनुभयो । उहा“ले जनयुद्धले लिएको लक्ष्य अधुरो र अपुरो रहेको भन्दै नेपाललाई जनगणतन्त्र बनाउनका लागि कार्यक्रम पारित गरे एकता हुनसक्ने बताउनुभयो । त्यसैगरी एमसीसी खारेज गराउन महाधिवेशनले जोड गर्नुपर्ने शर्त पनि उहा“ले अघि सार्नुभयो ।

नेता गजुरेलले मिचिएका कालापानी, लिपुलेक र लिम्पियाधुरा लगायतका नेपाली भुमि फिर्ता लिन माओवादी केन्द्रले प्रतिवद्धता गर्नुपर्ने पनि बताउनुभयो । यी तीनै शर्तसहितका सुझावहरू माओवादी केन्द्रको महाधिवेशनले पारित गरे एकताको ढोका खुल्ने गजुरेलको भनाइ छ । जनयुद्धका बेला गजुरेल माओवादीमै रहेका गजुरेल माओवादी विभाजन भएपछि गजुरेल मोहन वैद्यतर्फ लाग्नुभएको थियो ।