चितवन ,२३ पुस । मौसम चिसो हुँदै बाक्लो कुहिरो लागेका कारण भरतपुर विमान स्थलमा जाहाजहरु आउन जान सकेका छैनन् । शनिबार कुनै पनि उडान हुन सकेनन् । आइतबार बिहान पनि उडानहरु हुन नसके पछि माओवादी अध्यक्ष तथा पूर्व प्रधानमन्त्री पुष्पकमल दाहाल प्रचण्ड बिहान नौ बजे गाडीबाट काठमाडौं हिँडेको माओवादी केन्द्र चितवनका जिल्ला इन्चार्ज इश्वरी भट्टराईले जानकारी दिए ।
दाहाल बिहीबार गृह जिल्ला चितवन आएका थिए ।
दाहाल काठमाडौं फर्किन नसक्दा पार्टी एकता संयोजन समितिको बैठकसमेत प्रभावित भएको खबरहरु आएका छन् । मौसमको खराबीले हिजो मात्रै काठमाडौं भरतपुर काठमाडौंका १२ वटा उठानहरु स्थगित भएका थिए । त्यस्तै पोखरा भरतपुर पोखराका दुईवटा उडानहरु पनि हुन नसकेको भरतपुर विमान स्थल कार्यालयले जानकारी गराएको छ ।
प्रतिक्रिया दिनुहोस्