काठमाडौं । नेपाली कांग्रेसको महामन्त्रीमा भारी मतान्तरले गगनकुमार थापा निर्वाचित हुनुभएको छ । पार्टीका अर्का महामन्त्रीमा विश्वप्रकाश शर्मा निर्वाचित हुनुभएको छ । शेखर कोइरालाको प्यानलबाट महामन्त्रीमा उम्मेदवार बनेका थापा १४ औं महाधिवेशनमा सबैभन्दा बढी ३ हजार २३ मत ल्याएर महामन्त्रीमा निर्वाचित हुनुभएको हो । त्यस्तै, १ हजार ९ सय ८४ मत ल्याउ“दै दोस्रो स्थानमा रहेर विश्वप्रकाश शर्मा पनि महामन्त्रीमा निर्वाचित हुनुभएको छ । महामन्त्री पदमा पराजित उम्मेदवारहरुमा डा. प्रकाशशरण महत १ हजार ५ सय ५० मतसहित तेस्रो स्थानमा रहनुभयो भने प्रदीप पौडेल भने १ हजार ४ सय ९ मतसहित चौथो स्थानमा र डा.मीनेन्द्र रिजालले ८ सय ९ मत प्राप्त गर्नुभएको छ । त्यस्तै राजाराम कार्कीले १ सय ७ मत प्राप्त गर्नुभएको छ ।

डा. महत र पौडेल संस्थापन प्यानलबाट उम्मेदवार बन्नुभएको थियो भने डा. रिजाल र थापा भने कोइराला प्यानलबाट बन्नुभएको थियो । त्यस्तै शर्मा प्रकाशमान सिंहको प्यानलबाट उम्मेदवार बन्नुभएको थियो । त्यस्तै कार्की भने विमलेन्द्र निधिको प्यानलका उम्मेदवार बन्नुभएको थियो । जितपछि पार्टी कार्यालय सानेपा पुग्नुभएका शर्माले सञ्चारकर्मीहरुस“ग कुरा गर्दै आफ्नो जीत एउटा व्यक्तिको वा गुटको विजय नभएर सिंगो नेपाली कांग्रेसलाई रुपान्तरित गर्ने, नया“ ढंगले सुरुवात गर्ने यात्राको प्रारम्भ भएको बताउनुभयो । फरक फरक विचार समूहमा रहेका सबैको मत प्राप्त गरेर जित्नु भनेको सिंगो कांग्रेसलाई सयौं थुंगा फूलका हामी एउटै माला नेपाली भने जस्तै भावनामा गा“स्नु भएको उहा“ले बताउनुभयो । यसअघि सभापतिमा पहिलो चरणमा कसैले पनि ५० प्रतिशत मत कटाउन नसकेपछि दोस्रो चरणमा गएको थियो ।

दोस्रो चरणमा सिंह र निधिले देउवालाई समर्थन गरेका थिए । सभापति र उपसभापतिको भने मतगणना भइसकेको छ । सभापतिमा शेरबहादुर देउवा, उपसभापतिमा पूर्णबहादुर खड्का र धनराज गुरुङ निर्वाचित भइसक्नुभएको छ । यसैबीच नेपाली कांग्रेसको १४ औं महाधिवेशन अन्तर्गत सह–महामन्त्रीको मतगणना शुरु भएको छ । निर्वाचन समितिका सचिव जगन्नाथ श्रेष्ठका अनुसार महिला, दलित र आदिवासी जनजाति क्लस्टरको सहमहामन्त्री पदको मतगणना शुरु भएको हो ।