काठमाडौं । नेपाली कांग्रेसको महामन्त्रीमा गगन थापा निर्वाचित हुनुभएको छ । पार्टी कार्यालय सानेपामा भइरहेको मतगणनामा गगन कुमार थापा ३०२३ मत प्राप्त गरि विजयी हुनुभएको हो ।आज भएको मतगणनामा थापा र शर्मा आफ्ना प्रतिष्पर्धिभन्दा ठूलो मतान्तरमा विजयी भएका हुन् । गगन थापाले खसेको मतको लगभग दुइतिहाइ नै मत प्राप्त गर्नुभयो । शेखर कोइराला समूहबाट उठेका थापालाइ जिताउन पूर्वदेखि पश्चिमसम्मका मतदाता उर्लिएको देखियो । महाधिवेशन प्रतिनिधिहरूले प्यानलभन्दा बाहिर गएर दिल खोलेर थापालाइ भोट गरेको देखियो । थापाले ३०२३ मत ल्याए । थापाले आफूसँगै महामन्त्री निर्वाचित हुनुभएका ेविश्वप्रकाश शर्माभन्दा लगभग १२०० मत धेरै ल्याउनुभएको छ ।
अर्का युवा नेता विश्वप्रकाश शर्मा पनि ठूलो मतान्तर विजयी हुनुभएको छ । तुलनात्मकरूपमा निकै कमजोर देखिएको प्रकाशमान सिंहको प्यानलबाट चुनावी मैदानमा उत्रिएको शर्माप्रति प्रतिनिधिको असीम माया देखियो । शर्मा देउवा समूहका प्रकाशशरण महत र प्रदीप पौडेलभन्दा ३५० भन्दा धेरै मतान्तरमा विजयी हुनुभयो । शर्माले २२४६ मत ल्याए भने उहांसँग दौडिरहेका डा प्रकाशशरण महतले १५५० मत पाउनुभयो भने प्रदीप पौडेलले १४०९ मत पाउनुभयो । महत र पौडेल शेरबहादुर प्यानलका उम्मेदवार हुनुहुन्थ्यो ।
काँग्रेसको नेतृत्वमा आएका थापा र शर्मालाइ नेपाली राजनीतिको बदलिँदो अबस्थाको प्रतीकका रूपमा हेरिएको छ । बुढाहरूको पार्टि भनेर चिनाइने काँग्रेसको नेतृत्वमा आएका प्रभावशाली युवा नेताहरूका कारण काँग्रेसका आगामी दिन उज्वल बनेको पनि अनुमान गरिन थालेको छ । काँग्रेस उपसभापतिमा पनि युवानेता धनराज गुरूङ विजयी हुनुभएको थियो ।
प्रतिक्रिया दिनुहोस्