काठमाडौं । नेकपा एमालेको दशौं महाधिवेशन अन्तरगत आज तेस्रो दिन बन्द सत्र सुरू हु“दैछ । गएरातिको बन्दसत्रले पदाधिकारी र केन्द्रीय कमिटीमा राख्ने सदस्य चयन गर्ने जिम्मा अध्यक्ष केपी शर्मा ओलीलाई दिएको थियो । आजको बन्दसत्रमा उनले नाम प्रस्तुत गर्ने बताइएको छ । नेता विष्णु पौडेलको प्रस्तावमा सबैजसो प्रतिनिधिहरूले ताली बजाएर अनुमोदन गरे पनि अध्यक्षका प्रत्यासी भीम रावल र उपाध्यक्षका आकाङ्क्षी घनश्याम भुसालले भने विरोध जनाउनुभएको छ । अध्यक्ष ओलीले अध्यक्षमा उम्मेदवारी घोषणा गर्नुभएका रावललाई मिलाउन नेताहरुले सुझाव दिएका छन् ।

आज बिहान भेटन गएका उपाध्यक्षहरू युवराज ज्ञवाली र अष्टलक्ष्मी शाक्यसंग ओलीले रावललाई मिलाउने प्रयास गरिरहेको जानकारी दिनुभएको बताइएको छ । दुई नेताको विरोध रहेपनि हिजोको बन्दसत्रले पदाधिकारी र केन्द्रीय सदस्यहरूको नामावली तयार पार्ने सम्पूर्ण अधिकार ओलीलाई दिएको छ । आज ओलीले नया“ नेतृत्वको सहमतिको नामावली पेस गर्नुहुनेछ । ओलीको प्रस्ताव सर्वसम्मतिबाट अनुमोदन हुने नेता विष्णु रिजालले दाबी गर्नुभयो । तर ओलीको प्रस्तावमा कसैले असन्तुष्टि जनाए त्यो पदमा चुनाव हुने उहा“को भनाइ छ । सर्वसम्मतिबाट नेतृत्व चयन गर्नुपर्ने आमकार्यकर्ताको भावनाअनुसार हिजोको बन्द सत्रले यसको अधिकार पार्टी अध्यक्ष ओलीलाई दिएको उहा“ले बताउनुभयो । नेता रिजालकाअनुसार भीम रावल र घनश्याम भुसालसंग सहमतिको प्रयास भइरहेको छ ।

अन्तिमसम्ममा उहाँहरु पनि सहमतिमा आउने र सहमति हुन नसकेमा मात्रै चुनाव हुने उहा“ले बताउनुभयो । विधान संशोधन पारित भएसंगै एमालेको पदाधिकारी अब १९ सदस्यीय पुगेको छ । १९ जना पदाधिकारीमध्ये १ अध्यक्षसहित १ वरिष्ठ उपाध्यक्ष र ६ जना उपाध्यक्ष रहनेछन् । साथै १ जना महासचिव र ३ जना उपमहासचिव रहनेछन् । यस्तै ७ जना सचिव रहनेछन् । केन्द्रीय कमिटी ३ सय १ सदस्यीय बन्नेछ । अस्ति शुक्रवार चितवनमा सुरु भएको एमालेको १० औं महाधिवेशन आज सक्ने कार्यतालिका छ ।