काठमान्डौ १७ भदौ:
दुर्घटनामा परेर लामो समय उपचारमा रहेकी कलाकार निशा घिमिरेको बुधबार साँझ ६ ५१ बजे निधन भएको छ ।
नर्भिक अस्पतालमा उपचाररत निशा घिमिरे तीन वर्षअघि अभिनयको कोर्स पढ्न भारतको देहरादून जाँदै गर्दा सडक दुर्घटनामा परी गम्भीर घाइते भएकी थिइन् ।
दुर्घटनालगत्तै उनको भारतकै अस्पतालमा उपचार गरिएको थियो । तर, त्यहाँको अस्पतालको उपचार महङ्गो भएपछि कमजोर आर्थिक अवस्थाका कारण बुबाआमाले उनलाई नेपालमै ल्याएका थिए । काठमाडौंमा ल्याएर ट्रमा सेन्टरमा राखेर ३ महिनासम्म उपचार गरिदै आएपछि आथिक अभावका कारण उनलाई घरमै हेरचाह गरिएको थियो ।
।केही समयदेखि अचेत अवस्थामा घरमै रहेकी उनको तस्वीर सार्वजनिक भएपछि नर्भिक अस्पतालकी प्रबन्ध निर्देशक मेघा चौधरीले निःशुल्क उपचार गर्ने व्यवस्था मिलाइदिएपछि उनि त्यही उपचार गराइरहेकी थिइन ।
घिमिरेको बिहीबार पशुपति आर्यघाटमा अन्त्येष्टि गरिएको छ । अन्त्येष्टि अगाडि उनको पार्थिव शरीरलाई अन्तिम श्रद्धाञ्जलीका लागि आर्यघाट क्षेत्रमा १ घण्टा राखिएको थियो । उनलाई श्रद्धाञ्जली दिन चलचित्र विकास बोर्डका अध्यक्ष दयाराम दाहाल, कलाकार संघका उपाध्यक्ष तथा प्रवक्ता मोहन निरौला, नृत्य निर्देशक शिव विक, नृत्यकार संघका अध्यक्ष जनक कार्की, कलाकार संघका पदाधिकारी, गोपाल ढकाल ‘छन्दे’, जीवन थापा, उद्धव भट्टराईलगायत अन्य चलचित्र कर्मी लगाएत कलाकार हरु पनि पुगेका थिए ।
प्रतिक्रिया दिनुहोस्