काठमान्डौ साउन १७ गते
कोभिड यूनिफाइड केन्द्रीय अस्पताल वीर अस्पतालमा स्वास्थ्यकर्मी माथि हातपात भएको जनाइएकोछ।
८ महिनादेखि कोभिड जोखिम भत्ता तथा सेवा सुविधाको विषयलाई लिएर स्वास्थ्यकर्मीहरू अस्पतालका प्रमुख कार्यकारी अधिकारी डा जागेश्वर गौतम संग वार्तामा बसेका थिए।
वार्ताका क्रममा स्वास्थ्यकर्मी र डा गौतम बीच भनाभन चलेको र यही भनाभनको बीचमा ।
गौतमले प्रहरी बोलाएर कर्मचारीलाई कुटपिट गर्न लगाएको स्वास्थ्यकर्मीको आरोप छ।
‘हामीले विभिन्न सेवा सुविधा नपाएको विषयलाई लिएर वार्तामा बसेका थियौं। बोल्ने क्रममा चर्काचर्की हुंदै गयो,’ अस्पतालका कर्मचारी टिका पनेरूले भने, ‘ अस्पताल प्रशासनले प्रहरी लगाएर हामीमाथि कुटपिट गर्यो।’
उनका अनुसार डा गौतमले पहिला सिभिल प्रहरी बोलाएको र पछि भीड नियन्त्रण गर्ने प्रहरीलाई समेत बोलाएर स्वास्थ्यकर्मी माथि लार्ठी चार्ज गरिएको बताएकाछन।
प्रहरीले लार्ठी चार्ज गर्दा ४–५ जना घाइते भएको पनि उनले बताए।
प्रतिक्रिया दिनुहोस्