काठमाडौ । काठमाडौं उपत्यकामा कोरोना सङ्क्रमण महामारी नियन्त्रण तथा व्यवस्थापनका लागि जारी निषेधाज्ञा आज थप कडा गरिएको छ । शुक्रबारदेखि लकडाउनलाई थप कडाइ गरिनुका साथै कोभिड–१९ सङ्कट व्यवस्थापनसम्बन्धी अध्यादेशबमोजिम निषेधाज्ञा उल्लङ्घन गर्ने व्यक्तिलाई नगद जरिवाना र कैद सजाय हुने उपत्यकाका जिल्ला प्रशासन कार्यालयले जानकारी दिएका छन् ।
यसका लागि उपत्यकाका तीनवटै जिल्लाका प्रशासन कार्यालय, महानगरीय प्रहरी र ट्राफिक प्रहरीबीच सहकार्य हुने छ । बिनाकाम घरबाहिर निस्कीने, निषेधाज्ञाको पालना नगरी व्यवसाय सञ्चालन गर्ने र अनुमतिबिना सवारीसाधन चलाउनेलाई एक सयदेखि पाँच हजार रुपैयाँसम्म जरिवाना गरिने भएको छ ।
विपन्न, असहाय र गरिब परिवारका लागि स्थानीय वडा तहबाट राहतको व्यवस्था गरिएको र अप्ठ्यारो परेमा स्थानीय वडा कार्यालयमा वा टेलिफोन नं। १०३ मा सम्पर्क गर्न काठमाडौंका प्रमुख जिल्ला अधिकारी कालीप्रसाद पराजुलीले जानकारी दिनुभयो । महानगरीय प्रहरी परिसर काठमाडौँका प्रमुख तथा वरिष्ठ प्रहरी उपरीक्षक अशोक सिंहले लकडाउन उल्लङ्घन गर्नेलाई शुक्रबारदेखि जरिवाना लिने बताउनुभयो । व्यक्तिलाई १ सयदेखि ५ सय रुपैयाँसम्म र सवारीसाधनलाई ५ सयदेखि ५ हजार रुपैयाँ जरिवाना लिने उहाँले बताउनुभयो । उपत्यकामा खाद्य तथा किराना पसल र डिपार्टमेन्ट स्टोर, सार्वजनिक तथा निजी सवारीसाधन सञ्चालन एक साताका लागि पूर्ण रूपमा बन्द गर्ने निर्णय गरिएको हो । अत्यावश्यक सेवाअन्तर्गत स्वास्थ्यकर्मी, सुरक्षाकर्मी, सञ्चारकर्मी, सुरक्षागार्डबाहेकका लागि आवतजावतका लागि निश्चित समय निर्धारण गरिएको छ ।
काठमाडौंमा खाद्यान्न किन्नु परे यी नम्बरमा फोन गर्नुस् स् सरकारले घरमा नै ल्याइदिनेछ
काठमाडौं उपत्यकामा शुक्रबारदेखि निषेधाज्ञा थप कडा पारिँदैछ । काठमाडौं उपत्यकाका जिल्ला प्रशासन कार्यालयले थप गरिएको एक हप्ताको निषेधाज्ञामा किराना पसलसमेत खोल्न नदिने निर्णय गरेका छन्। माछा-मासु, दूध, तरकारीलगायतका लागि भने बिहान ९ बजेसम्म पसल खोल्न दिइने छ।
प्रशासनले खाद्यान्न पसलहरूमा भीड बढेको भन्दै एक हप्ता खोल्न नदिने भनेको हो। यो निर्णयको चौतर्फी आलोचना भइरहेको छ। यो अवधिमा खाद्यान्न किन्न परे के गर्ने भन्ने प्रश्न उठेपछि काठमाडौं जिल्ला प्रशासनले केही नम्बरहरू उपलब्ध गराएको छ।
कतै खाद्यान्नको अभाव भए सरकारी संस्थाहरु नेपाल खाद्य व्यवस्था तथा व्यापार कम्पनी लिमिटेड र साल्ट ट्रेडिङ कर्पोरेशन लिमिटेडको तर्फबाट मोबाइल गाडीमार्फत् खरिद बिक्रीको गराउने प्रशासनले जनाएको छ। फोन गर्नासाथ यी निकायले घर नजिकै खाद्यन्न लिएर आइपुग्नेछन् ।
प्रशासनले दिएका नम्बरहरू
नेपाल खाद्य व्यवस्था तथा व्यापार कम्पनी लिमिटेड
प्रमुख कार्यकारी अधिकृत मोहनप्रकाश चन्द९ ९८५१३२०३१४
विभागीय प्रमुख भिमबहादुर थापा९ ९८५११३६७८५
प्रादेशिक प्रमुख, थापाथली ज्ञानु थापा९ ९८५११२७८८
साल्ट ट्रेडिङ कर्पोरेशन लिमिटेड
प्रमुख कार्यकारी अधिकृत उर्मिला श्रेष्ठ९ ९८५१०२२५६४
नायब कार्यकारी अधिकृत कुमार राजभण्डारी९ ९८५१०३३३०३
विभागीय प्रमुख सबल रिजाल९ ९८५१११३६६०
अधिकृत प्रज्वल प्रधान९ ९८४१३३२९९०, ९८१३२७२५६३
प्रतिक्रिया दिनुहोस्