काठमाडौं, १४ जेठ । बाँकेको भेरी अस्पतालमा बिहीबार राति चिकित्सकमाथि आक्रमण भएको छ । उपचारका क्रममा एकजना संक्रमितको मृत्यु भएपछि मृतकका आफन्तले चिकित्सकमाथि आक्रमण गरेको अस्पतालका मेडिकल सुपरिटेन्डेट डा. प्रकाशबहादुर थापाले बताउनुभयो ।

गएराति ८ बजे भेन्टिलेटरमा उपचाररत दाङका ५४ वर्षीय संक्रमितको मृत्यु भएपछि मृतकका आफन्तले अस्पतालमा तोडफोड गर्दै चिकित्सकहरुमाथि आक्रमण गरेका हुन । ४ जना चिकित्सक भने झ्यालबाट तल्लो तलामा हाम्फालेर ज्यान बचाएको उहाले बताउनुभयो । आक्रमणबाट बच्न भागेर ट्वाइलेटसम्म पुगेका केही चिकित्सक तथा नर्सलाई भने उनीहरुले लखेटिलखेटी आक्रमण गरेको थापाको भनाइ छ । उपचारमा संलग्न डाक्टर, नर्ससहित ६ जना स्वास्थ्यकर्मीमाथि उनीहरुले आक्रमण गरेको डा .थापाले बताउनुभयो ।

उनीहरुले पीपीई लगाएका नर्सहरुको घाँटी अठ्याउने, लात हान्ने लगायतका अमानवीय व्यवहार प्रदर्शन गरेको थापाले बताउनुभयो । चिकित्सकमाथि आक्रमण भएसंगै अहिले अस्पतालका वातावरण त्रसित रहेको उहाको भनाइ छ । ‘आईसीयूमा अहिले पनि १५ जना संक्रमितहरु उपचाररत छन् ।