काठमाडौं, ९ जेठ । प्रतिनिधि सभा विघटनविरूद्ध विपक्षी गठबन्धनले सोमबार सर्वोच्चमा रिट दिने भएका छन् । विपक्षी गठबन्धनका घटक नेकपा माओवादी केन्द्रका अध्यक्ष पुष्पकमल दाहाल प्रचण्डले गठबन्धनको पक्षमा १४९ बढी सांसदको हस्तक्षर संकलन भएको भन्दै रिट भने सोमवार मात्र दर्ता गर्ने निर्णय भएको उनले जानकारी दिनुभयो । नेकपा एमालेका नेता माधवकुमार नेपाल पक्षका सांसदको हस्ताक्षर बाँकी रहेको बताइएपनि आज बानेश्वरमा नेपाल पक्षका १९ जना नागरिकता लिएर पुगेका थिए। तर, उनीहरूले हस्ताक्षर गरे नगरेको खुलेको छैन । नेकपा माओवादी केन्द्रका अध्यक्ष पुष्पकमल दाहाल प्रचण्डले गत शुक्रबार हस्ताक्षर गरेका १४९ जनाबाहेक अरूले पनि हस्ताक्षर गरेको दाबी गर्नुभएको छ ।
प्रतिक्रिया दिनुहोस्