काठमाडौं २५ चैत । छिमेकी चीनले अनुदानमा दिएको कोरोनाभाइरसविरूद्धको खोप आज देखि लगाउन सशुरु गरिने भएको छ ।
स्वास्थ्य तथा जनसंख्या मन्त्रालयको नीति योजना तथा अनुगमन महाशाखाका अनुसार काठमाडौंका विभिन्न अस्पतालहरूबाट खोप लगाइनेछ।
यो खोप चीनमा छात्रवृत्तिमा अध्ययन गर्ने विद्यार्थी, चीनमा अध्ययनमा जाने तयारीमा रहेका व्यक्ति, हिमालय पार व्यापार गर्ने नेपाली व्यापारी, अत्यावश्यक सेवामा काम गर्ने कर्मचारी र व्यक्ति, होटल, ट्रेकिङ, विज्ञापन र इन्टरनेट क्षेत्रमा काम गर्ने व्यक्ति, औषधि, फलफूल, तरकारीलगायत व्यापारी, प्राध्यापकहरूलगायतलाई लगाइने स्वास्थय मन्त्रालयले जनाएको छ।

गत हप्तामात्र चीनमै उत्पादित ८ लाख डोज खोप चीनले नेपाललाई अनुदानमा दिएको खोप नेपाल आइपुगेको थियो।
नेपालमा कोरोनाविरूद्ध प्रयोग हुन लागेको यो दोस्रो खोप हो। यसअघि बेलायतको अक्सफोर्ड विश्वविद्यालय र अष्ट्राजेनेकाले विकास गरेको र भारतको सेरम इन्स्टिच्युट अफ इन्डियाले उत्पादन गरेको कोभिसिल्ड भ्याक्सिन नेपालमा प्रयोग गरिँदै आएको थियो।
कोभिसिल्ड भन्दा चिनिया खोप बढी प्रभावकारी हुने अनुसन्धानहरुबाट देखिएका छ ।