संखुवासभा, १२ पुस ।  संखुवासभाको चैनपुर नगरपालिका ४ मैदाने भन्ने ठाउँमा दोहोरो भिडन्त भएको छ । आइतबार दिउँसो करिब ३: १५ बजेको समयमा गस्तीमा खटिएको माथि विप्लव कार्यकताले गोली चलाएको संखुवासभाको डिएसपी नवराज मल्लले जानकारी दिनुभयो । उहाले प्रहरी माथि गोली प्रहार भएपछि जवाफी फायरिङ गरेको बताउनुभयो । विप्लव कार्यकता ले ५/ ६ राउन्ड गोली चलाएको र त्यसको जवाफमा प्रहरीले १५/१६ राउण्ड फायरिङ गरेको प्रहरीले जनाएको छ । उक्त क्षेत्रमा केहिसमय अघि देखि विप्लवका जिल्ला इन्चार्ज उतरकुमार भनिने युवराज राईको नेतृत्वमा एक समूह नै लुकेर बसेको प्रहरीले आँशका गरेको छ । उक्त क्षेत्र एकान्त, अग्लो र भाग्ने ठाउँ भएकाले विप्लव कार्यकताले सेल्टर बनाएर बसेको प्रहरीको भनाइ छ । यसअघि पनि उक्त क्षेत्रमा २ पटक दोहोरो भिडन्त भएको थियो । तर अहिले सम्म मानविय क्षति भने भएको छैन । अहिले उक्त क्षेत्रमा इन्स्पेक्टरको कमान्डमा ६/७ ठाउँको सम्भावित चेकपोस्टमा व्यापक रूपमा हतियार सहित प्रहरी परिचालन गरिएको डिएसपी मल्लको भनाइ छ ।