कालीमाटी र बल्खु तरकारी बजारमा आपूर्तिमन्त्रीको छड्के, ७ वटा पसल सिल




काठमाडौं, ३१ भदौ । उद्योग वाणिज्य तथा आपूर्ति मन्त्री लेखराज भट्टले कालीमाटी तथा बल्खु तरकारी बजारको स्थलगत अनुगमन गर्नुभएको छ । प्याजको मूल्यमा चर्को कालाबजारी भएको गुनासो उपभोक्ताले गरेपछि बुधबार बिहान छड्के अनुगमन गर्नुभएको हो । सर्व साधारण जस्तै बनेर मन्त्री भट्टले बल्खुका ७ वटा पसलमा प्याजको मूल्य अनुगमन गर्नुभएको थियो ।

ति पसलहरुमा अघिल्लो दिनसम्म ७५ रुपैयाँ बेचिएको प्याज एक सय १० रुपैयाँमा बिक्री भइरहेको पाइएको मन्त्री भट्टका स्वकीय सचिव हितेश ओझाले बताउनुभयो । प्याज लुकाएको, बढी मूल्यमा बिक्री गरेको जस्ता कैफियत पाइएपछि ७ वटा पसल सिल गरिएको र आवश्याक कारबाहीका लागि वाणिज्य विभागको जिम्मा लगाइएको स्वकीय सचिव हितेश ओझाले बताउनुभयो ।यस्तै प्याज लुकाउन प्रयोग भएको एउटा पिक(अप भ्यानलाई नियन्त्रणमा लिइएकोे सचिवलयले जनाएको छ । बजारमा प्याजको मूल्यमा मनपरी भएको पाइएपछि अनुगमनका लागि वाणिज्य विभागलाई सक्रिय पारिएको मन्त्रालयले जनाएको छ ।

    Comment Here!


सम्बन्धित समाचार

View All