कलाकार बिष्णु खत्रीको दशैं लक्षित गीत सार्वजनिक



धादिङ, २३ भदौ । लोकप्रिय कलाकार बिष्णु खत्रीले दशैं लक्षित गीत सार्वजनिक गरेका छन् । गायक खत्रीको आफ्नै युट्युव च्यानलबाट आइतवार सार्वजनिक भएको रिनै रिनको गीतको म्युजिक भिडियो पनि मर्मस्पर्शी देखिन्छ । नेपालको समाजको बर्षौदेखिको रेमिट्यान्समा बाँच्नुपर्ने बिवशतालाई जिवन्त ढंगले गायन र भिडियो मार्फत प्रस्तुत गरिएको छ ।

बिश्व भरी कोरनाका कारण समस्या परिरहेको बेला रेमिटेन्सले चलिरहेको नेपाली अर्थतन्त्र संगै नेपालीको जन जीवन पनि प्रभावित भैरहेको छ ।गीत मात्रै सुन्दा पनि मन बहलाउँछ । भिडियो हेर्दा अझ भावुक तुल्याउँछ । उसो त खत्रीका यसअघिका जम्भु काश्मिरमा, ‘भरिया दाइ’, ‘किसानी दाई’, ‘कि सास चाहियो, कि लास चाहियो’ जस्ता दर्जनौ गीतहरु सामाजिक यथार्थतासँगै जोडिएर आएका छन् ।

नेपाली लोक संगीतमा लामो समय चर्चाको शिखरमा रहेका गायक खत्रीले कोरोना संकटका बीच नेपालीको बाध्यतालाई दर्शक श्रोता माझ ल्याएको गाएक खत्री बताउछन। खत्री यस्ता कलाकार हुन्, जसले आफ्ना सबैजसो गीतमा शव्द, संगीत र आवाज आफै कुशलतापूर्वक प्रस्तुत गर्ने सामर्थ्य राख्छन् । यो गीतमा शव्द पनि उत्तिकै हृदयस्पर्शी छ । गायक खत्री र गायिका पूर्णकला बिसीको आवाजमा रहेको गीतको म्युजिक भिडियो कपिल लामाले निर्देशन गरेका छन् । यसमा मोडेल सारिका केसी र ओवी रायमाझीको अभिनय छ ।

गरिबको गीत, समाजको गीत, न्याय र समानताको गीत अनि माया र मायालुको गीत गाउने जनप्रिय कलाकार खत्रीको गीत मर्मस्पर्शी र भावुक तुल्याउने खालको भएकाले बिदेशमा रहनुहुने दाजुभाइ दिदिबहिनीले एक्लै बसेर नसुन्न समेत आग्रह गरेका छन् ।

    Comment Here!


सम्बन्धित समाचार

View All