बाढी अपडेट : २२ जना बेपत्ता, ३२ घर बगायो ,सभामुख सापकोटा धुलिखेलको आकाशबाटै फिर्ता



सिन्धुपाल्चोक, , २५ असार । सिन्धुपाल्चोकको बाह्रबिसे नगरपालिका र भोटेकोशी गाउँपालिकाका विभिन्न ठाउँमा बाढी र पहिरोबाट २२ जना बेपत्ता भएका छन् । कम्तिमा ३२ घर बगेका छन् । अहिलेसम्म २ जनाको शव भेटिएको छ । अरु ५ जना घाइते भएका छन् ।

बाह्रबिसे नगरपालिकाको वडा नम्बर तीन खागदलमा २० घर र वडा नम्बर ५ जम्बोमा ११ घर बगेका जिल्ला प्रहरी कार्यालय सिन्धुपाल्चोकले जनाएको छ । जम्बोमा २ जनाको शव फेला परेको छ । अरु तीन जना घाइते भएका छन् ।

त्यस्तै बाह्रबिसे नगरपालिका ५ को जम्बोमा ठाडोखोलामा आएको बाढीले कच्ची र पक्की गरी २० वटा घर बगाएको छ । त्यहाँ बस, ट्रक, स्कार्पियो र ट्याङकर गरी चार वटा गाडी पनि बगाएको छ । खागदलको पक्की पूल बाढीले बगाएको छ । पक्की पूल सहित अरनिको राजमार्गका विभिन्न ठाउँमा बाटो पूर्ण रुपमा अवरुद्ध भएको छ ।

त्यस्तै भोटेकोशी गाउँपालिकाको वडा नम्बर ५ बर्कुटेमा एउटा घर बगाउँदा २ जना बालबालिका घाइते भएका छन् । ४ जना बेपत्ता भएका गाउँपालिकाका अध्यक्ष राजकुमार पौडेलले जानकारी दिनुभयो । बाढी आएको थाहा पाएपछि एउटा घरमा भएका सबै भाग्न सफल भएका र अर्को घरका चार जना बेपत्ता भएका उहाँले बताउनुभयो । घाइतेको उद्धार र बेपत्ताहरुको खोजी भैरहेको सिन्धुपाल्चोक प्रहरीले जनाएको छ ।

बाढी पीडित र घाईतेको उद्दारका लागि सिन्धुपाल्चोक आउँदै गर्नुभएका सभामुख अग्निप्रसाद सापकोटा धुलिखेलको आकाशबाटै फर्कनुभएको छ ।

मौसम प्रतिकुलताका कारण सभामुख सवार हेलिकप्टर धुलिखेल बाट फर्कनुपरेको उहाँका प्रेस सल्लाहकार श्रीधर न्यौपानेले बताउनुभयो ।

” मौसम प्रतिकुल भएपछी सभामुख ज्यु धुलिखेलको आकसबाट फर्कनुभएको छ” सल्लाहकार न्यौपानेले भन्नुभयो । सडक सम्पर्क टुटेपछि सभामुख सापकोटा सहितको टोलि हेलिकप्टरमा घटनास्थल आउँदै थियो ।बाढिग्रस्त क्षेत्रमा पुन वर्षा हुन लागेको छ ।

    Comment Here!


सम्बन्धित समाचार

View All