सिन्धुपाल्चोक, , २५ असार । सिन्धुपाल्चोकको बाह्रबिसे नगरपालिका ३ जम्बु बजारमा गएराति ठूलो पहिरो गएको छ । पहिरोमा परेर १८ जना बेपत्ता भएका नगरपालिकाका प्रमुख निमफुन्जो शेर्पाले जानकारी दिनुभयो ।

बाह्रबिसे नगरपालिकाको जम्बु भन्ने ठाउँमा गएराती बाढीले घर बगाएको हो । सो स्थानमा केही मान्छे वेपत्ता समेत भएका छन् । स्थानीयबासी अनन्तप्रकाश श्रेष्ठका अनुसार बाह्रबिसेको गाती बजार बगाएको छ। उहाँका अनुसार गातीका १४ घरका १९ जना हराइरहेको र दुई जनाको शव फेला परेको छ । बाढीमा हराइरहेकाहरुको खोजी कार्य भैरहेको उहाँले बताउनुभयो । इलाका प्रहरी कार्यालय बाह्रबिसेका प्रहरी निरीक्षक नवराज न्यौपानेले बाढीले घरहरु बगाएको र केही व्यक्ति वेपत्ता भएको बताउनुभयो ।

२०/२२ वटा घरमध्ये ३र४ वटा बाहेक अरु पहिरोले लगेको पनि शेर्पाले बताउनुभयो । त्यहाँको पक्की पुलसमेत बगाएको छ । जुरे, बाह्रबिसे लगायतका क्षेत्रमा सडक अवरुद्ध भएको छ । बेपत्ताको खोजी र उद्धारको काम भैरहेको नगर प्रमुख शेर्पाले बताउनुभयो ।