काठमाडौं, २३ असार । सरकारले नेपाल प्रहरीको २८औं प्रहरी महानिरीक्षक (आइजिपी)मा शैलेश थापा क्षेत्रीलाई नियुक्त गरेको छ ।
मंगलबारको मन्त्रिरिषद बैठकले उनलाई प्रहरी महानिरीक्षकमा नियुक्त गरेको हो । गृह मन्त्रालयले ज्येष्ठता, कार्यक्षमता, र कार्यसम्पादन समेतको मूल्यांकनका आधारमा आइजिपीमा बढुवा गर्न उनको नाम मन्त्रिपरिषद सिफारिस गरेको थियो । थापा २०६७ साल फागुन १५ गते एआइजीमा बढुवा हुनु भएको थियो ।

थापा २०४९ वैशाखमा प्रहरी निरीक्षकबाट नेपाल प्रहरीमा सेवा प्रवेश गर्नु भएको थियो । भक्तपुर स्थायी घर भएका थापा नीति निर्माण तहमा अब्बल अधिकृको रुपमा परिचित हुनुहुन्छ ।

अहिले उहा मानव स्रोत एवं प्रशासन विभागमा प्रमुखको भूमिकामा रहनु भएको थियो । यसभन्दा अघि डिआइजी हुँदा थापाले महानगरीय प्रहरी कार्यालय रानिपोखरी तथा केन्द्रीय प्रवक्ता समेत हुनुहुन्थ्यो । थापा इन्स्पेक्टरदेखि एआइजी बढुवा हुँदासम्म पहिलो नम्बरमा बढुवा हुदै आउनु भएको थियो । । हालका आइजी ठाकुरप्रसाद ज्ञवालीले ३० वर्षे सेवा हदका कारण आइजीको पदमा थापालाई नियुक्त गर्ने निर्णय सरकारले गरेको हो ।