बझाङ, २० असार । बझाङमा पहिरो जाँदा सात जना वेपत्ता भएका छन्। जिल्लाको केदारस्युँ गाउँपालिका वडा नम्वर ८ मल्लेसीमा पहिरो जाँदा वेपत्ता भएको त्यहाँका स्थानियवासीहरुले बताउनुभयो । वर्षा सँगै गाउँ माथिबाट आएको पहिरोले गएराती वडा नम्वर ८ को मल्लेसका १७ घर बगाएको त्यहाँका स्थानीय लोकेन्द्र बिकले बताउनुभयो ।

उहाका अनुसार पहिरोमा परि सात जना वेपत्ता भएका छन् ।  यता जिल्ला प्रहरी कार्यालय बझाङ प्रहरी प्रमुख डिएसपी गणेश बमले घटनास्थलमा प्रहरी टोली परिचालन गरेको जानकारी दिनुभयो । जिल्ला प्रहरी कार्यालयका अनुसार ठाँउठाँउमा खोलामा पानीको बहाव बढेका कारण घटनास्थलमा प्रहरी पुग्न नसकेको र र दुर्गाथली गाँउपालीकाको प्रहरी परीचालन गरीसकेको र घटनाको यर्थार्थ बिवरण आउन बाकी रहेको छ ।

बझाङका प्रमुख जिल्ला अधिकारी कमलराज भण्डारीले भन्नुभयो ‘पहिरो आएको सुचना आएको क्षतीको प्रारम्भिक जानकारी प्रहरी पुगीसकेपछी प्राप्त हुने क्षतिको विवरण आउने बताउनुभयो ।