भारतसँग सीमा जोडिएका पर्सा, बारा र सर्लाहीका केही ठाउँमा सलह कीराको प्रवेश (भिडियोसहित)




काठमाडौं, १३ असार ।  नेपालमा सलह कीरा प्रवेश गरेको छ। भारतसँग सीमा जोडिएका पर्सा, बारा र सर्लाहीका केही ठाउँमा शनिबार बिहान ८ बजे सलह कीराका समूह देखिएको कृषि मन्त्रालयले जानकारी दिएको छ ।

‘आज बिहान रूखमा सलह कीरा बसेको देखेपछि किसानहरूले कृषि ज्ञान केन्द्र बारामा जानकारी गराएका थिए । ज्ञानकेन्द्र प्रमुख जीतेन्द्र यादवले टोली सलहका चार वटा झुण्ड भएको बताउनुभयो । उहाले भन्नुभयो सलह कीरा नेपालमा देखिएकोबारे कृषि मन्त्रालयमा जानकारी गराइएको बताउनुभयो ।

‘यसबारे छलफल गर्न आज दिउँसो १ बजे मन्त्रालयले जुम मिटिङ राखेको छ,’ उहाले बताउनुभयो । यादवका अनुसार बारा जीतपुर, सिमरा नगरपालिका, निजगढ नगरपालिकामा सलह देखिएका छन् । मन्त्रालयका प्रवक्ता हरिबहादुर केसीले सलह नेपाल प्रवेश गरेकोबारे सूचना आए पनि यसको पुष्टि भइनसकेको बताउनुभो ‘यसबारे अहिले १ बजे छलफल गर्न बैठक छ,’ उहाले भन्नुभयो ।

यसअघि नेपालमा सलह प्रवेश गर्न सक्ने भन्दै मन्त्रालयले प्लान्ट क्वारेन्टाइन तथा विषादी केन्द्रका प्रमुखको अध्यक्षतामा कृषि वैज्ञानिक र प्राविधिकहरु सम्मिलित समिति गठन गरेको थियो।अफ्रिकी मुलुकबाट अरबियन देश हुँदै एसियाको इरान, अफगानिस्तान, पाकिस्तान र भारतसम्म आइपुगेको सलह कीरा नेपालमा पनि आएको हो।

    Comment Here!


सम्बन्धित समाचार

View All