कोरोना संक्रमणबाट थप एक जनाको मृत्यु , नेपालमा मृत्यु हुनेको संख्या २३ पुग्यो



काठमाडौँ, ७ असार ।  कोरोना भाइरसबाट थप एक जनाको मृत्यु भएको छ । गुल्मीको छत्रकोट गाउँपालिका मैनडाँडाका ६९ वर्षीय पुरुषको कोरोना भाइरसको संक्रमणबाट निधन भएको स्वास्थ्य तथा जनसंख्या मन्त्रालयले जनाएको छ । प्यारालाइसिसको उपचारका लागि भारत गएर फर्किएका ती पुरुषको असार ५ गते घरमै मृत्यु भएको थियो । मृत्युपश्चात स्वाब लिएर परीक्षणका लागि भैरहवास्थित प्रादेशिक जनस्वास्थ्य प्रयोगशालामा पठाइएकोमा उनको कोरोना संक्रमण पुष्टि भएको हो । उनको शवलाई नेपाली सेनाले असार ६ गते नै व्यवस्थापन गरिसकेको स्वास्थ्य मन्त्रालयले जनाएको छ ।

    Comment Here!


सम्बन्धित समाचार

View All