काठमाडौं १६ मंसिर ।  काठमाडौं– २ का उम्मेदवार माधव नेपालको चुनावी घरदैलोमा शनिबार बिहान सहभागी हुँदै माओवादी केन्द्रका अध्यक्ष पुष्पकमल दाहाल प्रचण्डले स्थिरता, विकास र समृद्धिका लागि आफूहरुबीच एकता भएको बताए् । पुरानो सिनामंगलमा घरदैलोपछि भएको कोणसभामा दाहालले पहिलो चरणका ३७ स्थानमा भएको चुनावमा वामपन्थीको दुई तिहाई आउने बताउँदै शान्ति सम्झौतामा नेपालको महत्त्वपूर्ण भूमिका रहेको बताउँदै जीतका लागि शुभकामना दिए ।

नेता नेपालले पनि माओवादी अध्यक्ष दाहाल राजनीतिमा नयाँ मोड दिने व्यक्ति रहेको बताउँदै उनको उपस्थितिप्रति धन्यवाद दिए । एमाले अध्यक्ष केपी शर्मा ओली पनि आफ्नो चुनावी कार्यक्रममा आउन चाहे पनि समयअभावले आउन नसकेको नेपालले बताए ।
अध्यक्ष दाहाल काठमाडौंको चुनावी कार्यक्रम सकेर चितवन फर्किने कार्यक्रम छ । चितवनमा हुने अन्तिम चुनावी सभाका लागि एमाले अध्यक्ष ओली झापाबाट चितवन जाने उनका प्रेस संयोजक चेतन अधिकारीले जानकारी दिए ।