काठमाडौं, ९ बैशाख । सुदूरपश्चिम प्रदेशको सेती प्रादेशिक अस्पतालमा कोरोना भाइरस संक्रमणको उपचार गराइरहेका एक व्यक्ति मंगलवार डिस्चार्ज भएका छन् ।
कैलालीको धनगढी उपमहानगरपालिका–५ निवासी ३४ वर्षीय अमृत शाही आज उपचारपछि निको भएर डिस्चार्ज भएका अस्पतालले जनाएको छ ।
यसअघि सेतीमै उपचाररत लम्कीचुहा नगरपालिकाका २१ वर्षीय पुरुष आइतवार डिस्चार्ज भएका थिए । यससँगै नेपालमा उपचारपछि निको हुने संक्रमितको संख्या ५ पुगेको छ । यसअघि काठमाडौंमा २ जना र बाग्लुङमा १ जना उपचारपछि निको भइसकेका थिए ।
प्रतिक्रिया दिनुहोस्