हलो अड्काएर गोरु पिट्ने काम गर्न हुन्न – मन्त्री खतिवडा



काठमाडौं, ६ वैशाख । स्वास्थ्य उपकरण खरीदका विषयमा उत्पन्न भएका विभिन्न विवादका विषयमा अर्थमन्त्री एवम् सूचना तथा सञ्चारमन्त्री डाक्टर युवराज खतिवडाले यस विषयमा हलो अड्काएर गोरु पिट्ने काम गर्न नहुने बताउनुभएको छ ।

विश्वव्यापीरुपमा नै स्वास्थ्य उपकरण अभाव भईरहेको अवस्थामा जहा उपलब्ध हुन्छ, त्यहीबाट सामान ल्याउने हो त्यसैकारण अहिले चीनबाट सामान ल्याईएको छ, सरकारले खडा गरेको टेन्डरमा पर्याप्त सामान नआएका कारण पनि स्वास्थ्य उपकरण खरीदमा यस्तखाले समस्याहरु देखिएको उहाले बताउनुभयो ।

अहिलेको अवस्थामा स्वास्थ्य उपचारका लागि प्राथमिकता दिउ भन्ने ढंगले सरकारले काम गरिरहेको बताउदै डाक्टर खतिवडाले जसरी पनि उपकरण चाहिरहेको अवस्था छ ।

कि त, सामान नै नल्याउने भन्ने कुरा हुनुप¥यो या त अन्य विकल्प हुनुप¥यो । यस्तो अवस्थामा अनावश्यक विवादहरु आउनु भनेको हलो अड्काएर गोरु चुटे जस्तै हो, उहाले बताउनुभयो । उहाले एबीसी न्युज टेलिभिजनको कार्यक्रम आउटलुक विशेषका लागि प्रधानसम्पादक शुभशंकर कंडेलसंग कुरा गर्दै उक्त कुरा बताउनु भएको हो । यसैवीच उहाले कोभिड–१९ को परीक्षणको विश्वसनीयतामा विभिन्न खाले आशंकाहरु उत्पन्न भईरहेको अवस्थामा अर्थमन्त्री तथा सूचना एवम् सञ्चार मन्त्री डाक्टर युवराज खतिवडाले सबैमा परीक्षण आवश्यक नरहेको समेत बताउनु भएको छ ।

    Comment Here!


सम्बन्धित समाचार

View All