काठमाडौं, ६ वैशाख । विश्वव्यापीरुपमा फैलिरहेको कोभिड–१९ विरुद्ध लड्न स्वास्थ्य उपकरणको अभाव अहिलेको मुख्य चुनौती रहेको सरकारका प्रवत्ता तथा अर्थमन्त्री डाक्टर युवराज खतिवडाले बताउनुभएको छ ।

उहाले एबीसी न्युज टेलिभिजनको कार्यक्रम आउटलुक विशेषका लागि प्रधानसम्पादक शुभशंकर कंडेलसंग कुरा गर्दै उक्त कुरा बताउनु भएको हो । अबका दिनमा चुनौती थपिएको र यसका लागि आवश्यक पहल भईरहेको समेत मन्त्री खतिवडा बताउनुभयो ।

उहाले स्वास्थ्य सामाग्रीहरुको आवश्यकता अहिले नेपालभन्दा बाहिरका युरोपियन, ईटलियन लगायतका देशहरुमा भईरहेको अवस्थामा नेपालमा स्वास्थ्य उपकरणहरु कम हुन गएको बताउदै विशेषगरी, विश्वव्यापी रुपमा नै स्वास्थ्य सामाग्री अभाव भईरहेको बेला स्वास्थ्य उपकरणलगायतका विषयमा विभिन्न समस्या देखिएको बताउनुभयो ।

स्वास्थ्यकर्मी र स्वास्थ्य संस्थाहरुको क्षमता वृद्धिको लागि सरकारले प्रयास गरिरहेको छ । स्वास्थ्यकर्मीहरु उत्पादन गर्न सरकारले कारखानाहरु मात्रै खोलेर बस्ने हो या निजी क्षेत्र लगायत सम्बन्धित क्ष्ँेत्रस“ग समन्वय गरेर स्वास्थ्यको गुणस्तरीयतामा ध्यान दिने हो भन्ने विषयमा चुनौती रहेको भन्दै यो समयमा सबै काम सरकारले मात्रै गर्नुपर्छ भन्ने भन्दा पनि सबैले आ–आफ्नोतर्फबाट पहल गर्नुपर्ने डाक्टर खतिवडाले बताउनुभएको छ ।