कोरोनाको कहर : जापानमा राष्ट्रिय संकटकाल घोषणा



टोकियो, २५ चैत । कोरोना भाइरस (कोभिड–१९) को रोकथाम तथा न्यूनीकरणका लागि जापानका राष्ट्रिय संकटकाल घोषणा गरिएको छ । मंगलबार जापानी प्रधानमन्त्री सिन्जो आबेले कोरोना रोकथामका लागि भन्दै राष्ट्रिय संकटकालको घोषणा गरेका हुन् ।

कोरोना भाइरसको संक्रमण फैलिन थालेपछि जापानले ढिलागरी संकटकाल घोषणा गरेको हो। विज्ञहरुले जापानले कोरोना नियन्त्रणका लागि चालेको कदमको प्रशंसा गरे पनि कडा कदम नचालेको भन्दै आलोचना गरेका थिए।

प्रधानमन्त्री आबेले संकटकाल टोकियो, ओसाकासहित ७ प्रान्त (प्रिफेक्चर) मा लागू हुने र आवश्यकता अनुसार बढाइँदै लैजाने बताए । जापानमा ४७ वटा प्रिफेक्चर रहेका छन् ।

जापानका राष्ट्रिय संकटकाल घोषणा गरिए पनि कोरोना भाइरसबाट अतिप्रभावित मुलुकहरु इटाली, चीन र फ्रान्समा जस्तो कडा खालको लकडाउन भने नगरिने जापानी समाचार एजेन्सी क्योदोले जनाएको छ। राष्ट्रिय संकटकाल बुधबारबाट एक महिनाका लागि लगाइएको क्योदोले उल्लेख गरेको छ।

    Comment Here!


सम्बन्धित समाचार

View All