सिमा पारीबाट आउने तरकारी, फलफुल र खाद्यवस्तुलाई पनि ‘क्वारेन्टायन’मा राख । [भिडीयो सहित]

तरकारी बोकेर आउने गाडीले 'कोभिड-१९' को जोखिम बढायो



Photo : Dinesh Kumar Shrestha

नागरिकलाई कोभिड १९ बाट जोगाउन भन्दै स्थानीय सरकारहरुले हाटबजार र तरकारी थोक बजार केन्द्र बन्द गरएपनि सिमा पारी भारतबाट आउने तरकारी तथा फलफुल आउने क्रम रोकिएको छैन । प्रदेश तथा स्थानीय सरकारलाई सिमा पारीबाट आउने सवारी आवागमन रोक्ने अधिकार नभएका कारण तरकारी र फलफुल आउने क्रम नरोकिएको हो ।
सिमा पारी भारतीय बजारबाट आयात हुने तरकारी, फलफुल तथा खाद्य सामाग्रीसंगै कोभिड १९ को जोखि बढेको गुनासो आएपछि स्थानीय सरकारहरुले आ आफ्नो स्थानीय तहमा हाटबजार र तरकारी थोक बजारहरु बन्द गराउन थालेका छन् । रुपन्देहीको तिलोत्तमा नगरपालिकाले हाटबजारहरु बन्द गराएर स्थानीबासीलाई भारतीय तरकारी र फलफुल प्रयोग नगर्न आह्वान गरेसंगै बुटवल उपमहानगरपालिकाले पश्चिम क्षेत्रकै ठुलो परिमाणमा भारतीय तरकारी र फलफुलको कारोबार हुने तरकारी तथा फलफुलको थोक बजार केन्द्र बन्द गराएको छ ।
एबिसी टेलिभिजनबाट तरकारी र फलफुल बोकेर आउने सवारी साधनहरुले कोरोना भाइरसको जोखिम बढाएको बिषय उठान गर्दै रिपोर्ट प्रशारण गरे लगत्तै उपमहानगरले थोक बजार केन्द्र बन्द गराएको हो । सिमा नाकामा बैदेशीक आयात रोक्ने अधिकार संघिय सरकारलाई मात्र भएका कारण स्थानीय सरकारहरुले स्थानीय बजारहरु बन्द गराएर आयात नियन्त्रण गर्न खोजेपनि सिमा पारीबाट आउने क्रम भने रोकिएको छैन । भिडभाड नियन्त्रण गर्न नसक्ने अवस्था आएको तथा हाटबजार र मण्डीका कारण लकडाउन नै फितलो भएपछि बन्द गरिएको बुटवल उपमहानगर पालिकाकका नगर प्रमुख शिवराज सुबेदी बताउनु हुन्छ ।
त्यसो त रुपन्देही तरकारीका लागि आत्म निर्भर भएको जिल्लाका रुपमा गनिन्छ । जिल्लाको छपिया, सुर्यपुरा, रुद्रपुर, सेमलार सहित पाल्पा, गुल्मी र अर्घाखांचीबाट समेत तरकरी आउने भएकाले रुपन्देहीको उपभोक्तालाई भारतीय तरकारी नआउंदैमा फरक नपर्ने तरकारी र फलफुलका ब्यवसायी बताउंछन् । स्थानीय तहले आयात बन्द गर्न नसकीरहेको अवस्थामा जोखिम कम गर्न केन्द्र सरकारले या त जोखिम अवधिभर पुरै आयात बन्द गर्नु पर्छ या भाइरस निश्क्रिय हुने अवधी भर सिमामा गाडी रोक्नु पर्ने तथा सवारी चालकको स्वास्थ्य जांच र सेनेटराईज गरेर मात्र नेपाल भित्राउनु पर्ने माग छ पैचो पसलका प्रमुख संचालन अधिकृत केशवराज न्यौपानेको ।
स्थानीय सरकारले नेपाल मै कृषि उत्पादन गर्ने कृषकहरुलाई नगरका बिभिन्न स्थानहरुमा स्थान उपलब्ध गराई उपभोक्तालाई सहज वाताबरण निर्माण गर्न सके भारतीय बजारको भरमा नपरेपनि नागरिकको चुल्होमा तरकारी पाक्ने छ । तर कृषकका नाममा चोरी निकासी गरि भारतीय तरकारी बेचे नबेचेको बिषयमा स्थानीय सरकारको अनुगमन भने चुस्त बनाउन जरुरी छ । चुल्होमा पाक्ने हरियो तरकारी भन्दा त जिवन नै प्यारो होला नी, हैन र ?

    Comment Here!


सम्बन्धित समाचार

View All