काठमाडौं, ७ फागुन । सरकारको समृद्धिको यात्रामा नकारात्मकता फैलाएर अवरोध गर्न खोजिएको प्रधानमन्त्री केपी शर्मा ओलीले बताउनु भएको छ । उहाले अवरोध भए पनि त्यसलाई परास्त गरेर अघि बढ्ने बताउनुभयो । ‘समृद्धिको दिशामा अघि बढिरहे पनि वैदेशिक लगानीमा अवरोध गर्ने, विकास निर्माणमा बाधा हाल्नेलगायतका काम भइरहेका छन्, प्रधानमन्त्री ओली भन्नुभयो । आज ७० औं राष्ट्रिय प्रजातन्त्र दिवसको अवसरमा आयोजित कार्यक्रममा ‘सरकारको यात्रामा अवरोधको प्रयास भए पनि त्यसलाई परास्त गरेर अघि बढ्छौं ।’उहाले भन्नुभयो । सरकारले गर्नुपर्ने कामहरूको सूची लामो भएको उल्लेख गर्दै उहाले समृद्धिको दिशातर्फको यात्रा थालेको बताउनुभयो । समृद्धिको यात्रामा अघि बढेको सरकारले केही काम सुरु गरेको, केही सुरु हुने अवस्थामा रहेको र केही सम्पन्न भएको प्रधानमन्त्रीको भनाइ छ ।
प्रधानमन्त्रीले सन् २०३० सम्म दीगो लक्ष्य हासिल गर्ने तयारीमा सरकार रहेको जानकारी दिनुभयो । दीगो लक्ष्य हासिलपछि खुसी हुने नेपालीको आकांक्षा पूरा हुने उहाको भनाइ छ । प्रधानमन्त्री ओलीले कूटनीतिमा वर्तमान सरकारले सफलता हासिल गर्दै गएको दाबी समेत गर्नुभयो । यही सफलताका कारण विश्व मञ्चमा नेपाल सुनिन थालेको उहाले बताउनुभयो ।
प्रतिक्रिया दिनुहोस्