काठमाडौँ, १ फागुन । सञ्चार तथा सूचना प्रविधिमन्त्री गोकुलप्रसाद बास्कोटाले सीजी टेलिकमलाई दिएको अनुदानको रकम बारे कुरा उठाउनु भएको छ ।
मन्त्री बास्कोटाले चौधरी (ग्रुप) सीजी टेलिकमसँग सरकारले ग्रामीण दूरसञ्चार पूर्वाधार विकासका लागि दिएको सवा करोड डलर अनुदानबाट भएको कामबारे प्रश्न गर्नुभएको हो ।
सिजी टेलिकमले सरकारबाट लिएको उक्त अनुदान रकम हिनामिना भएको हुन सक्ने उहाले आशंका ब्यक्त गर्नुभयो । बिहीबार मन्त्रिपरिषदको बैठकका निर्णय सार्वजनिक गर्न आयोजित पत्रकार सम्मेलनमा बास्कोटाले सीजीले स्वामित्व किमेको एसटीएम कम्पनीलाई सरकारले सन् २००४/०५ ताका दिएको १ करोड १८ लाख ६५ डलर (एक अर्ब ३५ कुरोड रुपैयाँ) अनुदान उपयोग कहाँ कसरी भयो देखाउनुपर्ने बताउनु भएको छ । कम्पनी किनेपछि दायित्व पनि सर्ने भएकाले चौधरी ग्रुपले त्यसको परिणाम देखाउनुपर्ने बताउनुभयो ।
मन्त्री बास्कोटाले यो रकमको सदुपयोग भयो र भएन भनेर अब अध्ययन हुने समेत बताउनुभयो । उहाले पूर्वाञ्चलमा ५३४ गाविसमा दूरसञ्चार सेवा पु¥याउन सरकारले विश्व बैंकसँग ऋण लिएर सीजी ग्रुपलाई रकम दिएको बताउनुभयो । उहाले त्यसमा पूर्वशर्तहरु थिए, १०६८ वटा पीएसओहरु खोल्नुपर्ने शत भएको बताउनुभयो ।
उहाले सीजी प्रक्रिया पुुरा गरेर आए लाइसेन्स दिन सकिने भन्दै ढोका हुँदा हुँदै झ्यालबाट छिर्न खोजेको आरोप समेत लगाउनुभयो । मन्त्री बास्कोटाले लगानीकर्तालाई सरकारले सँधै स्वागत गर्ने भएपनि उनीहरुमा पनि इमान्दारिता आवश्यक हुने बताउनुभयो ।
प्रतिक्रिया दिनुहोस्