काठमाडौं, १५ माघ ।  प्रधानमन्त्रीसमेत रहेका नेपाल कम्युनिष्ट पार्टीका अध्यक्ष केपी शर्मा ओलीले नेकपा केन्द्रीय कमिटीको बैठकमा सरकारले गरेका कामको फेहरिस्त प्रस्तुत गर्नुभएको छ ।

उहाले “विधिको शासनमा नेपाल माथि उक्लिएको बताउनुभयो । उहाले भन्नुभयो भ्रष्टाचार र पारदर्शीता विश्व सूचकमा गतवर्षभन्दा माथि उठेको छ । अन्तर्राष्ट्रिय मानकमा कम्युनिष्ट सरकारले माइनस जान दिएको छैन । सबै प्लस छ ।” उहाले गणतन्त्र स्थापनापछि आर्थिक वृद्धिदर दशवर्ष लगातार ४ प्रतिशत थियो भने अहिले ६ प्रतिशत भन्दा बढी रहेको स्पष्ट पार्नुभयो ।

उहाले भन्नभयो “इकोनोमिष्ट पत्रिकाले विश्वका दशवटा उच्च आर्थिक वृद्धि भएका मुलुकको सूचीमा नेपाललाई पनि राखेको छ । हामीले हाम्रो मुखपत्रमा छापेको होइन, इकोनोमिष्टले छापेको हो ।” अहिलेको सरकार गठनपछि लगातार दुईवर्षमा वैदेशीक लगानीको प्रतिवद्धता १०५ प्रतिशतले बढेको समेत प्रस्तुत गर्नुभयो । व्यापार घाटा कम भएको भारतसँगको निर्भर कम हुँदै गएको तथ्य उहाले पेस गर्नुभएको छ ।

उहाले भन्नुभयो “पानीजहाजका लागि कार्यालय खोलेका छौं,” “नारायणी नदीमा क्रुज सञ्चालनका लागि सफल परीक्षण पनि भइसकेको छ । पुल बनिरहेका छन् । आफ्नो अगाडिको पुल हेरेर सरकारले यही एउटा मात्रै त हो नि बनाएको भनेर आलोचना गर्न मिल्दैन ।”