काठमाडौं, १३  पुस ।  गएको मंसिर अन्तिममा १३ औं सागको धुमधामसंग सम्पन्न गरिएको छ । दक्षिण एशियाली खेलकुद साग आयोजनामा सरकार लगभग सफल देखिएको छ । विगतमा भन्दा १३ संस्करणमा सरकार एक कदम अघि देखिएको हो । साग जितेर ढुक्क हुने अवस्था छैन । खेलसम्वद्ध धेरै संस्था वर्षाै अघि स्थापना भएपनि खेल क्षेत्रमा धेरै सुधारको खांचो छ ।

मुलुकको खेल क्षेत्रको संस्थागत तथा व्यवसायीक विकास गर्न भन्दै राष्ट्रिय खेलकुद परिषद्र(राखेप) को स्थापना वि.स. २०१७ मा भयो । वि.स. २०१५ सालमा स्थापित राष्ट्रिय स्वास्थ तथा खेलकुद परिषद्को नाम परिवर्तन गरि राष्ट्रिय खेलकुद परिषद् राखिएको हो । तर नेपालमा राखेपको गठन हुनुभन्दा अगाडिदेखिनै क्रिकेट, ब्याडमिन्टन, टेबुलटेनिस, फुटबल, हकी तथा टेनिस जस्ता खेलकुदहरूको संघको गठन भएका हुन् ।। नेपालमा खेलहरू प्रति राणाकालीन प्रभाव निकै लोकप्रिय रहेको थियो । उपत्यका भित्र देखा परेको खेलकुदको लोकप्रियता दृष्टिगत गरेर वि.स. २०१५ सालमा तत्कालीन शिक्षा मन्त्री परशुनारायण चौधरीको अध्यक्षतामा राष्ट्रिय स्वास्थ्य तथा खेलकुद परिषद् गठन गरिएको इतिहास छ । खेलकुद क्षेत्रमा ठूलो सम्भावना रहेपनि राज्यबाट खासै ध्यान नदिएको खेलाडीहरुको जिकिर छ ।

खेलकुदको विकासका लागि सबैभन्दा महत्वपुण भनेकै बजेट हो । खेलकुदको विषयमा सरकारको दृष्टिकोण नै स्पष्ट देखिदैन । खेलकुदलाई जसरी प्राथमिकतामा राख्नुपर्ने हो त्यो भएको छैन । खेलकुद पनि उत्पादक क्षेत्र नै हो भन्ने बुझाई बुझन सकेको छैन सरकारले । खेलकुदमा छुट्याइएको बजेट पनि लगानी नै हो भनेर बुझ्न आवश्यक छ । खेलकुद राष्ट्रिय एकताको विषय हो, राष्ट्रको सम्मान, गौरव बढाउने विषय हो, खेलक्षेत्रले पर्यटन ठुलो भुमिका खेलेको हुन्छ । सरकारले भ्रमण बर्ष २०२०को तयारी तिव्र पारे संगै २० लाख पयटक नेपाल भित्र्याउने लक्ष लिएकोमा त्यसको केहि हिस्सा खेल पर्यटनको रहने निश्चित छ । प्याराग्लाइडीङ,बन्जी,भाउन्टेन कलइम, पौडी, साइक्लीङ लगायत विदेशी पर्यटकको रोजाइमा पर्छन् । तर राज्यबाट यसको प्रर्वद्धनमा राज्यको आँखा पुग्न सकेके छैन । तर सरकारले राम्रो नीति र बजेटको व्यवस्था गर्ने हो भने आगामी १० वर्षमा खेलकुदले नेपाललाई स्थापित गर्न सकिने सरकारी अधिकारीहरुको दाबी छ ।

लामो समय खेल क्षेत्रमा सुधार खासै नभएपनि १३ औ साग संस्करणले खेल क्षेत्रमा उज्यालो घाम लागेको छ । वास्तवमा नेपालले खेलकुदमा सुधार गर्न चाहेको छ, गर्न सक्दो रहेछ भन्ने सन्देश १३ औ संस्करले दिएको छ ,साथसाथै चुनौती पनि छन् । चुनौतीलाई अवसरमा बदलेर अगाडि बढ्ेमा नेपालको खेल क्षेत्रमा सुधार गर्न सकिनेमा दुइमत छैन ।