बुटवल, १३ पौष ।
बुटवल उद्योग बाणिज्य संघको २० औं संस्करण अन्तर्गतको औद्योगिक ब्यापार मेलामा दिनदिनै दर्शकहरुको संख्या बढ्दै गएको छ ।
शनिबार मात्र बुटवलमा ५० हजार बढी दर्शकले मेला अवलोकन गरेको आयोजक बुटवल उद्योग बाणिज्य संघले जनाएको छ । लगानी लुम्बिनीमा समृद्दी नेपालमा भन्ने मुल नाराका साथ जारी मेलामा प्रबिधी, स्वदेसी उत्पादन तथा उपभोग्य सामाग्रीहरुको प्रदर्शनी गरिएको छ ।
हरेक वर्ष मेला लाग्ने गरेको बुटवल मण्डपमा प्रदशीनीको स्थायी संरचना बनाउन थालिएका कारण संघले बुटवलको देबीनगरमा मेला आयोजना गरेको थियो । सुरुमा नयां स्थानमा अवलोकन कर्ता नआउने आशंका गरेको संघले हरेक दिन दर्शकको संख्या बढेपछि भने खुसि ब्यक्त गरेको छ । संघका बरिष्ठ उपाध्यक्ष उज्वल कसजुले ठूलो संख्यालाई ब्यवस्थापन गर्न संघले १८ वटा प्वालबाट टिकट उपलब्ध गराईएको जानकारी दिनुभयो । उहांले अपांग, बृद्दबृद्दा निशुल्क तथा महिलालाई छुट्टै सहज टिकटको ब्यवस्था गरिएको बताउंदै अपेक्षा गरे अनुरुप मेला सफल हुने बिश्वास ब्यक्त गर्नुभयो ।
ब्यापार मेलामा ५ सय बढी स्टल रहेकाछन् भने १३ करोडको कारोबार हुने बुटवल उद्योग बाणिज्य संघले आशा गरेको छ ।