बुटवल, ११ पौष । नेपाल डेरी एशोसीयसनका केन्द्रीय अध्यक्ष राधाकृष्ण सापकोटाले सरकारले नयाँ ल्याएको नियमबाट कुनै पनि व्यावयसायीको रोजी रोटी खोस्न काम गरेको आरोप लगाउनु भएको छ । एसोसियसनको केन्द्रिय साधारण सभाको पुर्व सन्धायामा बुटवलमा आयोजना गरिएको पत्रकार सम्मेलनमा बोल्दै अध्यक्ष सापकोटाले सरकारले ल्याएको नियमहरु आफुहरुले नमान्ने भन्ने नभएको भन्दै व्यवसायीहरुलाई व्यवसाय स्थापित गर्नको लागि सरकारी निकाय सहजीकरण गर्नुपर्ने बताउनु भयो ।
नीजी क्षेत्र ले नै दुग्ध क्षेत्रको प्रसोधन, बजारीकरण गर्न सक्षम भएको भन्दै उहांले वाहिरबाट ठुलो लगानीका उद्योगहरु भित्र्याउदा स्वदेशमा संघर्ष गरिरहेका उद्योगीहरु धरासाही हुने तर्फ सरकार सहज हुनुपर्ने बताउनु भयो ।
पत्रकार सम्मेलनमा बोल्दै नेपाल डेरी एशोसीयसनका पुर्व अध्यक्ष सुमित केडीया ले गुणस्तरको विषयमा स्वदेशी व्यवासायीहरु तयार रहेको भन्दै यसमा सबैको साथ र सहयोग आवश्यक रहेको बताउनुभयो ।
पुस १२ गते बुटवलमा हुने साधारण सभाको लागि देशभरबाट प्रतिनिधि तथा परिवेक्षयकहरु बुटवल आएका छन् । साधारण सभाको प्रदेश ५ का मुख्य मन्त्री शंकर पोखरेलबाट उद्घाटन हुने कार्यक्रम तय गरिएको छ ।
एसोसियसनका अनुसार साधारण सभामा दुग्ध व्यवसायीहरुको बजारीकरण, सरकारी नीति निर्माताहरुबाट गर्नुपर्ने दायित्व लगायत व्यवसायीहरुको दुख तथा अन्य विषयमा व्यापक छलफल हुने छ ।