काठमाडौ, ७ पुस ।सत्तारुढ भारतीय जनता पार्टी (बीजेपी)ले पूर्वी राज्य झारखंडमा बहुमत गुमाउने भएको छ ।
झारखण्डमा जारी मतगणनामा सत्तारुढ विजेपी सामान्य बहुमत प्राप्त गर्न नसक्ने अवस्थामा पुगेको हो । तर मुख्य विपक्षी कांग्रेस पार्टी र यसको क्षेत्रीय सहयोगी झारखण्ड मुक्ति मोर्चा बहुमतको ननिक पुगेको छ । कांग्रेस गठबन्धन ४० सिटमा अघि रहेको छ । झारखण्डमा साधारण बहुमत प्राप्त गर्नकालागि ४१ सीटको आवश्यकता पर्दछ । भाजपा र त्यसका सहयोगी दल झारखण्ड छात्र संघ (एजेएसयू) ले सन् २०१४ मा ४२ सीट जितेका थिए । झारखण्डको परिणामलाई भारतीय विश्लेषकहरुले महत्वपूर्ण मानेका छन् । अहिले देशव्यापी रुपमा भारत सरकारले ल्याएको नागरिकता सम्बन्धि नयाँ कानूनको बिरोध देशव्यापी रुपमा चर्किएको छ । देशभर भएको हिंसात्मक प्रर्दशनमा २० भन्दा बढी व्यक्तिको मृत्यु भैसकेको छ । झारखण्डको परिणामले नागरिकता कानुनप्रति नागरिकले असहमति दर्शाएको जनाइएको छ ।
भारतमा हजारौंले पुलिस प्रतिबन्धको बाबजुद पनि विरोध प्रदर्शन भइरहेको छ र यो नतिजा मोदीको नेतृत्वलाई यो सबैभन्दा ठूलो चुनौतीको रुपमा रहेको छ । अधिकारीहरूले आदेश पुनर्स्थापना गर्न संघर्ष गरिरहेका छन । धेरै राज्यहरूमा इन्टरनेट सेवाहरू बन्द गरिएका छ र हजारौंलाई पक्राउ पनि गरिएको छ ।