धनुषा, २ पुस । धनुषा जिल्लामा जनप्रतिनिधिले नै सार्वजनिक जग्गा कब्जा गरेका छन् । जनकपुरधाम उपमहानगरपालिकाले कानुनलाई उल्टाउदै गुठीको जग्गा कब्जा गरेको हो ।गुठी संस्थानको अनुमती विना वडा कार्यालय ठड्याएको छ । जग्गा प्राप्ती गर्नका लागि कानुनी व्यवस्था छ, तर यसलाई उल्टाउदै कब्जा गरिएको हो । जनकपुरधाम उपमहानगरपालिकाकाले वडा कार्याालय संचालन गरेको बताउदै आएको छ । गुठी संस्थानस“ग अनुमती नलिई वडा कार्यालयको भवन निर्माण गरेको उपमहानगरले बताउदै आएको छ ।

जनकपुरधाम उपमहानगरपालिकाले गुठी संस्थानको कुनै जानकारी विना गुठीको जग्गामा कब्जा गरेको छ । गुठी जग्गा कब्जा गरि वडा नं. ६ को वडा कार्यालय बनाएको छ । एकातर्फ भू–माफियाहरुले यहा“ रहेको विभिन्न मठ–मन्दिर तथा पोखरी लगायत सार्वजनिक जग्गा अतिक्रमण गर्दै आइरहेका छन् । सांस्कृतिक सम्पदासंग सरोकार राख्ने गुठीको जग्गा संरक्षण गर्नु स्थानीय सरकारको दायित्व हो । तर, संस्थानको अनुमति विना नै जग्गा कब्जा गरिनु कानुनलाई उल्टाउनु हो । गुठी संस्थान शाखा कार्यालय जनकपुरधामका अनुसार जनकपुरधाम उपमहानगरपालिका वडा नं. ६ मा गुठीको जग्गामा कुनै प्रकारको कार्यालय स्थापना भए नभएको जानकारी नभएको बताएको छ । यो कार्यालय स्थानीय सरकारको भएतापनि गैरकानूनी रुपमा रहेको उसको प्रतिकृया छ । यद्यपी गुठी संस्थानको जग्गाको विषयमा क्यामेरामा बोल्न नमिल्ने भन्दै गुठी संस्थानका प्रमुख बैकुण्ठ प्रसाद रेग्मी पन्छिएका छन् । वडा कार्यालयको भवन गुठीको करिब ६ धुर जग्गामा झण्डै १८ लाखको लागतमा निर्माण गरिएको छ । गुठी संस्थान शाखा कार्यालय जनकपुरधामका प्रमुखसंग पटक पटक सम्पर्क गर्न खोज्दा समेत सम्पर्कमा नआएको वडा कार्यालयले बताएको छ । स्थानीय सरकारले पटक पटक सम्पर्क गर्न खोज्दा समेत सम्पर्कमा नआएपछि बाध्य भएर भवन निर्माण गरिएको वडाको दाबी छ ।

स्थानीय सरकार होउन या गुठी संस्थान दुवै सरकारी अड्डा हुन् । सरकारी अड्डाबीचको समन्वयको चरम अभाव देखिएको छ । समन्वयबाट वडाको भवन निवर्माण गरिनु आवस्यक छ । तर, गुठीका जग्गा दलालहरुले हडपिरहेको बेला उमहानगरको यो मनपरि कानुनी राज्यको उपहास मात्रै होइन, स्थानीय सरकारहरुको दादागिरीको रुप हो ।