काठमाडौं, १२ जेठ । मधेस प्रदेशका मुख्यमन्त्री कृष्णप्रसाद यादवले मन्त्रिपरिषद् विस्तार गरेका छन्।
मंगलबार साँझ नवनियुक्त पाँच मन्त्रीले प्रदेश प्रमुख डा. सुरेन्द्र लाभ कर्णसमक्ष पद तथा गोपनीयताको शपथ लिएका हुन्।
युवराज भट्टराईले अर्थ, लखन दास तत्माले खेलकुद तथा समाज कल्याण, शारदादेवी थापाले श्रम तथा यातायात, मनोज कुमार सिंहले शिक्षा तथा संस्कृति र नागेन्द्र साहले स्वास्थ्य तथा जनसंख्या मन्त्रीको रुपमा शपथ लिए।
तीन दलबीच मन्त्रालयको भागबण्डा नमिल्दा दुई दिनदेखि मन्त्रिपरिषद् विस्तारको तयारी गरे पनि हुन सकेको थिएन। आज नेकपा एमाले, नेपाली कांग्रेस र नेपाली कम्युनिष्ट पार्टीबीच १५ बुँदे समझदारी भएपछि मन्त्रिपरिषद् विस्तार भएको हो।
प्रतिक्रिया दिनुहोस्