काठमाडौं, २४ मंसिर । १३ औँ दक्षिण एशियाली खेलकुद (साग) प्रतियोगिता सफलता पुर्वक सम्पन्न भएको छ । साग भव्यतापूर्वक सम्पन्न भएको खुसीयालीमा प्रधानमन्त्री केपी शर्मा ओलीले सवैलाईै धन्यवाद दिनुभएको छ ।
नेपाल १३ औं साग अन्तर्गत पुरुष फुटबलको स्वर्णपदक जित्न सफल भएको छ। डिफेन्डिङ च्याम्पिनय नेपालले दशरथ रंगशालामा मंगलबार सम्पन्न खेलमा भुटानलाई २–१ ले पराजित गर्दै स्वर्ण रक्षा गरेको हो। यसअघि २०१६ मा भएको अघिल्लो सागको संस्करणको उपाधि समेत नेपालले भारतलाई पराजित गर्दै जितेको थियो।
खेलको १६ औं मिनेटमा नै नेपालले सुरुवाती गोलको अग्रता लिएको थियो। अभिषेक रिजालले नेपालका लागि सुरुवाती गोल गरेका थिए।
भुटानका चेन्चो ग्याल्त्सेनले खेलको ३७ औं मिनेटमा नेपालविरुद्ध बराबरी गोल फर्काएपछि खेल निकै प्रतिस्पर्धात्मक बनेको थियो।
आक्रमक शैली अपनाएको नेपालले खेलको ५३ औं मिनेटमा दोस्रो गोल गर्न सफल बन्यो। सुनिल बलले नेपालका लागि दोस्रो गोल गरेपछि नेपाल खेलमा २–१ को अग्रता लिन सफल भएको थियो।
त्यसपछि दुवै तर्फबाट कुनै गोल हुन नसकेपछि नेपालले खेल २–१ ले जितेको हो।
नेपालले लिग चरणमै फाइनलमा पुगेको भुटानलाई पराजित गरेको थियो। त्यसबेला भुटान नेपालसँग ४–० को गोल अन्तरमा पराजित भएको थियो।
नेपाल साग फुटबलमा छैठौं पटक फाइनलमा पुग्न सफल हुँदा चारपटक स्वर्ण जित्न सफल भएको हो।
यससँगै नेपालले १३ औं सागमा ५१ स्वर्णपदक हातपार्न सफल भएको छ।
प्रतिक्रिया दिनुहोस्