बाजुरा १९ मंसिर । बाजुरा जिल्लाको दुर्गम क्षेत्रमा रहेको गौमुल गाउँपालीका अधिकाँस वडाहरुमा टेलिफोन सुविधा नहुदाँ घण्टौ बाटो हिडेर त्यस ठाँउका बासीन्दाहरुले रुखमा चढेर फोन गर्न बाँध्य रहेको छ ।

टेलीफोन गर्नाको लागी घरबाट घण्टौ बाटो हिडेर गाउँमा रहेको थुवा डाँडामा ठुलो रुख चढेर फोन गर्नु पर्ने बाध्याता रहेको बताउछन स्थानीय बासी जनक रोकाया । रोकायाले भने गाउँमा कुनै पनि ठाँउमा टेलिफोनको टावरले काम नगर्ने भएकोले गाउँबाट घण्टौबाटो हिडेर थुवा डाँडाको रुखको आगामा चढेपछी मात्र फोन लाग्ने भएकोले गाउँका सबै मान्छे फोन गर्नाको लागी त्यही डाँडामा गएर फोन गर्नु पर्ने बाध्याता रहेको रोकायाले बताए ।

गौमुल गाउँपालीका मा टेलिफोन नलाग्ने स्थानहरु अम्लिस,अन्द्राडी,माडी,पौदाली,मलदुगुन, तलदुगुन, पात्या,ग्रर्जाया,बेरी लगाएतका विभिन्न स्थानहरुमा टेलफिोन सुविधा नभएको स्थानीय बासी राजेश रोकायाले बताए । उनले भने गाउँमा टेलीफोन सुविधा नहुदा आफुहरु सञ्चारबाट बेखवर भएको बताए । रोकायाले भने फोन गर्नाको लागी मात्र समय मिलायर घण्टौबाटो हिडेर थुवा डाँढा पुग्नु पर्ने बाध्याता रहेको बताए ।
यता गौमुल गाउँपालीका अध्यक्ष हरि बहादुर रोकायाले भने गौमुल गाउँपालीका सबै वडाहरुमा यो वर्ष भित्र टेलिफोन सेवा पुगाई सक्ने बताएका छन । उनले नमस्तेको टावरको लागी साविको दहकोट गाविसको दुर्गाली डाँडामा टेलिकमको टावरका लागी सोलार पाता देखि अन्य सबै सामान पुगी सक्यको र आब केही दिन भित्र जोडान गर्ने बताए ।

अध्यक्ष रोकायाले भने यो वर्ष भित्र आफनो पहिलो प्रथामीकता भनेको गौमुल गाउँपालीका सबै ठाँउहरुमा टेलिफोन सेवा सञ्चालन गर्ने उदेश्यका साथ आफु लागी रहेको बताएका छन । यता दुरसञ्चार क्षेत्रीय कार्यालय अत्तरीयका निर्देशक नामकर न्यौपानेले भने बाजुराको दहकोटमा एक वर्ष पहिला नै टेलीकम टावर निमार्ण गरी सक्नु पर्ने बताए । तर उनले भने निमार्णको जिम्मा लिएको चिनीया हुनान रेड सोलार पावरका ठेकेदारको लापरवाहीका कारण टेलिकमको टावर समय मै निमार्ण हुन नसक्यको बताए ।

निमार्ण हुन लागेको टेलिकमको टावर जि.एम.एस दुइ जिविको रहेको छ । यसको क्षेमता १० किलोमिटर टाढा सम्म रहेको दुरसञ्चार क्षेत्रीय कार्यालय अतरियाका निर्देसक न्यौपानेले बताए । उनले भने यो वर्ष भित्र टेलिकमको टावर निमार्ण गर्न नसक्य कानुन अनुसार कारर्वाही गर्ने बताए ।