काठमाडौं, १७ मंसिर । तेह्रौँ दक्षिण एशियाली खेलकूद (साग) प्रतियोगिताको उद्घाटन समारोहमा सहभागी हुने सिलसिलामा नेपालको तीनदिने भ्रमणमा रहनुभएका अन्तरप्रान्तीय समन्वयसम्बन्धी पाकिस्तानका मन्त्री डा फेहमिदा मिर्जाले आज युवा तथा खेलकूदमन्त्री जगतबहादुर सुनारसँग भेटवार्ता गर्नुभयो ।
दक्षिण एशियाली क्षेत्रीय सहयोग सङ्गठन ९सार्क० राष्ट्रका युवा खेलाडीको विशाल प्रतियोगिता नेपालले आयोजना गरेकामा नेपाललाई बधाई दिँदै उहाँले सार्कको भावनाबमोजिम लोकतन्त्रलाई सुदृढ तुल्याउन तथा परस्परमा समझदारीको वातावरण बनाउन सागजस्ता प्रतियोगिताबाट बल मिल्ने बताउनुभयो । त्यस अवसरमा उहाँहरूबीच नेपाल–पाकिस्तान सम्बन्धका साथै पारस्परिक हित र चासोका विविध विषयमा विचारविमर्श भएको थियो ।
सन् २०२० मा नेपालले भ्रमण वर्ष मनाइरहँदा पाकिस्तान–नेपालबीच कूटनीतिक सम्बन्धले पनि ६०औँ वार्षिकोत्सव मनाउने सुखद संयोग परेको बताउँदै पाकिस्तानी मन्त्रीले खेलकूद र युवा विकासका क्षेत्रमा दुई देशबीच सघन सहकार्य हुनुपर्नेमा जोड दिनुभयो । मन्त्री सुनारले नेपाल र पाकिस्तानबीचको सरकारीस्तरको मात्र नभई जनस्तरको सम्बन्धलाई खेलकूदका माध्यमबाट अझ प्रगाढ एवं सुदृढ बनाउन आफू क्रियाशील रहने प्रतिबद्धता व्यक्त गर्नुभयो ।
प्रतिक्रिया दिनुहोस्