काठमाण्डौं, २४ कार्तिक । अमेरिकी राष्ट्रपति डोनाल्ड ट्रम्पले अमेरिका र चीनबीच पछिल्लो समय विकसित मित्रत्राको प्रशंसा गरेका छन् ।

अमेरिकी राष्ट्रपति तथा अमेरिकी प्रथम महिला मेलानिया ट्रम्प बेइजिङस्थित ग्रेट हल अफ द पिपुलमा आयोजित भोजमा सहभागी हुँदै सम्बन्ध आगामी दिनमा थप मजबुत बन्दै बताए । चिनियाँ परम्परागत शैलीका सामग्रीले सजाइएको गोल्डेन हलमा भएको भोजमा निकै प्रफुल्ल मुद्रामा उपस्थित अमेरिकी राष्ट्रपति र प्रथम महिलालाई गत फेब्रअरीमा अमेरिकाको फ्लोरिडामा चीनका राष्ट्रपतिलाई गरिएको सम्मानको भिडियो पृष्टभूमिमा देखाइएको थियो । त्यसै गरी चिनिया“ राष्ट्रपति सीले पनि आफ्ना अमेरिकी समकक्षीलाई चीन र अमेरिकाबीचको सम्बन्ध आजका दिनसम्म आइपुग्दा निकै मित्रवत बनेको बताए । सीले दुई देशले सीमित चुनौती र विकासका लागि अनन्त सम्भावनाँ सामना गरिरहेका बताए । समारोहमा उपस्थित अमेरिकी विदेशमन्त्री रेक्स टिलरसनले चीनसंग व्यापार सम्झौताका विषयमा भएका छलफलले दुई मुलुकबीचको भिन्नतालाई निकै साँघुरिएको बताए । टिलरसनले राष्ट्रपतिको चीन भ्रमणको दोस्रो अर्थात् अन्तिम दिन अझै धेरै काम गर्न बाँकी रहेको बताए । यसपहिले अमेरिकी राष्ट्रपति ट्रम्पले चीन र अमेरिकाबीच असमान व्यापार अभ्यास भइरहेको र यसले अमेरिकाले चीनसंग व्यापार घाटा व्यहोर्नूपरेको बताउनुभएको थिए । तर व्यापारमा चीनले गरेको नाफाबारे धेरैलाई अचम्म पार्दै ट्रम्पले त्यसमा चीन दोषी नभएको बताए । विगतका अमेरिकी प्रशासनहरु नै चीनसंगको एक पक्षीय र पक्षपातपूर्ण व्यापार सम्बन्धका निम्ति जिम्मेवार रहेको ट्रम्पको दाबी थियो । ट्रम्पले चीन भ्रमणका क्रममा राष्ट्रपति सीलाई उत्तर कोरियालाई परमाणु निरस्त्रीकरणमा मनाउन थप मिहेनत गर्न पनि अनुरोध गरेका छन् ।