बुटवल, ५ मंसीर ।
लाफा समुह बुटवलको आयोजनामा प्रदेश ५ कै सर्वाधिक पुरस्कार राशिको खुल्ला भेट्रान्स पुरुष डबल्स ब्याडमिन्टन प्रतियोगिता हुने भएको छ । पुस ५ र ६ गते दुई दिन बुटवलमा सञ्चालन हुने प्रतियोगिताका बिषयमा विहिबार बुटवलमा पत्रकार सम्मेलन गर्दै समुहले जानकारी गराएको छ । अध्यक्ष तारासिह रेश्मीले बताउनुभयो ।
पत्रकार सम्मेलनमा बोल्दै लाफा समुहका अध्यक्ष तारासिंह रेश्मीले युवाहरुलाई खेलमार्फत एकतावद्द गराई सामाजिक क्षेत्रमा योगदान दिने लक्ष्यसहित क्लबको स्थापना भएकोे बताउनुभयो । अध्यक्ष रेश्मीले प्रदेश ५ मा ब्याडमिन्टन खेलमा अहिले सम्म कै सबैभन्दा ठूलो राशीको प्रतियोगिता गर्न लागिएको दाबी गर्नुभयो ।
रेश्मीका अनुसार प्रतियोगिता दुई ईभेन्टमा खेलाइने छ, जसमा खुल्ला तर्फ उपाधि विजेता टिमले नगद ५१ हजार १ सय ११ रुपैया, दोस्रो टिमले नगद ४१ हजार १ सय ११ तथा तेस्रो टिमले नगद ३१ हजार १ सय ११ रुपैया नगदसहित कप, मेडल, प्रमाणपत्रबाट पुरस्कृत गरिने छ । यसैगरि भेट्रान्स तर्फ उपाधि विजेता टिमले नगद २१ हजार १ सय ११, द्धितिय टिमले नगद नगद १५ हजार १ सय ११ तथा तृतिय टिमले नगद १० हजार १ सय ११ कप, मेडल तथा प्रमाणपत्रबाट पुरस्कृत छ । प्रतियोगितामा उत्कृष्ट खेलाडी, अनुसासित खेलाडीलाई समेत पुरस्कृत गरिने अध्यक्ष रेश्मीले बताउनुभयो ।
दुई दिने हुने प्रतियोगितामा करीब १३ लाख खर्च हुने खेल संयोजक पुरन गाहाले बताउनुभयो । करीब २ सय जना खेलाडीहरुबाट एक सय टिमले उपाधि प्रतिस्पर्धा गर्ने आयोजकले अनुमान गरेको छ ।
कार्यक्रममा नेपाल पत्रकार महासंघ रुपन्देहीका उपाध्यक्ष निरु गौतम, कार्यक्रम संयोजक सदस्य ज्ञानु थापा, कार्यक्रम संयोजक सदस्य जगत बयम्बु, पूर्व अध्यक्ष केशब राना लगायतले प्रतियोगिताको बिबिध बिषयमा जानकारी दिनुभएको थियो । क्लबमा हाल ८५ जना सदस्यहरु रहेका छन ।