सयपत्री फुटवलको चौथौं संस्करण मंगलबारबाट



बुटवल, १८ कार्तिक। सयपत्री युवा क्लब बुटवलले चौथौ संरस्करणको फुटबल प्रतियोगिता गर्ने भएको छ । स्व. ज्ञान बहादुर गुरुङको स्मृतिमा कार्तिक १९ गतेबाट चौथो सयपत्री गोल्डकप नकआउट फुटबल प्रतियोगिता २०७६ गर्ने भएको हो ।
सोमबार पत्रकार सम्मेलन गरि प्रतियोगिताको टिम दर्ता, रेफ्री ब्यवस्थापन, खेलमैदान तयारी, प्याराफिट निमार्ण लगायतका सबै काम सकिएको क्लबका अध्यक्ष कमल रानाले बताउनुभयो । प्रतियोगिताको उपाधि विजेताले नगद २ लाख २ हजार २ सय २२ रुपैयासहित कप, प्रमाणपत्र, मेडल पाउने उहाले बताउनुभयो । तेस्रो संस्करणमा प्रथम पुरस्कार नगद १ लाख १ हजार १ सय ११ रुपैया रहेको थियो । समयसापेक्ष पुरस्कार राशी दोब्बर वृद्धि गरिएको उहाले बताउनुभयो ।
यसैगरि उपविजेता टिमले नगद १ लाख १ हजार १ सय ११ रुपैयासहित कप, प्रमाणपत्र, मेडलबाट पुरस्कृत गरिने छ । प्रतियोगिता अवधिमा उत्कृष्ट खेलप्रदर्शन गर्ने सर्वोत्कृष्ट खेलाडीलाई नगद १० हजार, ट्रफी, प्रमाणपत्र तथा विद्यागत उत्कृष्ट गोलरक्षक, उत्कृष्ट रक्षक, उत्कृष्ट मध्यपंक्ति खेलाडी, अग्रपंक्ति खेलाडीहरुलाई जनही ५–५ हजारका दरले पुरस्कृत गरिने उहाले बताउनुभयो ।
हरेक प्रतियोगितामा एक जना म्यान अफ दी म्याचलाई नगद २ हजार, कपबाट पुरस्कृतसमेत गरिने छ ।
प्रतियोगितामा नवलपरासी–११, आयोजक सयपत्री युवा क्लब, पाल्पा–११, फर्साटिकर युवा क्लब, पाच नम्बर प्रदेश प्रहरी तालिम केन्द्र, अभिषेक चर्च ब्यायइज रहजर, सुनौलो संगम युवा क्लब देविनगर, लिस्नु युवा क्लब कोटिहवा, चितवन–११, सिम्रिक युवा क्लब कालिकानगर, सिद्धार्थ युवा क्लब बासगढी, भैरव देशभक्त युवा क्लब नवलपरासी गरि १२ टिमले भाग लिने छन ।
विसं. २०४८ सालमा स्थापना भएको क्लबले सामाजिक कार्य समेत गर्दै आएको छ ।

    Comment Here!


सम्बन्धित समाचार

View All