युनाईटेडको निराशाजनक बराबरी



काठमाडौं, १७ असोज । युरोपा लिग फुटबलमा प्रिमियर लिग क्लब म्यानचेष्टर युनाईटेडले निराशाजनक बराबरी खेलेको छ ।समुह एल अन्तर्गतको खेलमा युनाईटेडले डच क्लब अलकमार जानस्ट्रिकसंग गोल रहित बराबरी खेल्दै अंक बा“डेको हो ।

बराबरीको नतिजापछि युनाईटेडका प्रशिक्षक आले गुनर सोल्सायरले खराब प्रदानलाई दोष दिए । तर अन्तिम समयमा युनाईटेडका जेसे लिङगार्डको प्रहार पोस्ट नजिकैबाट बतासिएपछि युनाईटेड जित निकाल्न सफल भएको थियो । घरेलु टोली अलकमारले राम्रो प्रर्दशन गरेको थियो । तर फरवार्ड मायरोन बोआडुको गोललाई रेफ्रीले अफसाईड दिएपछि घरेलु टोली अग्रता लिनबाट चुकेको थियो ।

बैकल्पिक खेलाडी लिङगार्ड चोट बोक्दै मैदान छाडेपछि युनाईटेडले १० खेलाडीमा सिमित रहेर खेलको अन्त्य गरेको थियो । युनाईटेड पछिल्ला चार खेलमा जित निकाल्न असफल छ । बराबरीको नतिजासंगै युनाईटेड २ खेलबाट ४ अंक जोड्दै तालिकाको दोस्रो स्थानमा छ । अलकमार २ अंक सहित तालिकाको तेस्रो स्थानमा छ ।

    Comment Here!


सम्बन्धित समाचार

View All