साना दुःखले आएको संघियता होईन, दलालपुंजिबादले राष्ट्रको सेवा गर्दैन : अध्यक्ष प्रचण्ड



बुटवल, ९ असोज, नेपाल कम्युनिष्ट पार्टी नेकपाका अध्यक्ष प्रचण्डले नेपालको संघियता सानो दुःखले प्राप्त नभएको बताउनु भएको छ ।
तिलोत्तमा नगरपालिकाले आज रुपन्देहीमा आयोजना गरेको तिलोत्तमा लगानी सम्मेलनको उदघाटन गर्दै अध्यक्ष प्रचण्डले नेपालमा पछिल्लो पटक भएको परिवर्तन २००७ साल, २०३६ साल वा २०४६ सालको जस्तो नभएको बताउनु भयो । उहांले निती नै परिवर्तन गरि भएको परिवर्तनलाई संस्थागत गर्नु सानो कुरा नभएको बताउंदै २ सय ५० वर्ष देखि गाडीएको केन्द्रिय चिन्तनलाई डेढबर्षमा समाप्त गर्न नसकिने बताउनु भयो ।
नेकपाले समाजबादी मोडलमा नेपालमा बिकास गर्न चाहेको उल्लेख गर्दै अध्यक्ष प्रचण्डले दलालपुंजिबादलाई नियन्त्रण गर्दै राष्ट्रिय पुंजिको बिकास गर्नु वर्तमान सरकारको कार्यदिशा हुनु पर्ने बताउनु भयो । दलालपुंजिबादले राष्ट्रको सेवा नगर्ने प्रचण्डको भनाई थियो ।
राणा, राजा र पंचायतले सधैं उद्योगी ब्यवसायीलाई ठगहरुको उपमा दिएको बताउंदै नेकपा नेतृत्वको सरकारले ब्यवसायी प्रति पुरानो सत्ताले राखेको सोंच परिवर्तन गर्न चाहेको बताउनु भयो ।
कार्यक्रममा बोल्दै संघिय सरकारका अर्थमन्त्री डाक्टर युवराज खतिवडाले वर्तमान सरकार लगानीको बातावरण भन्दा लगानी मैत्री बातावरण निती बनाउन क्रियाशिल रहेको बताउनु भयो । उहांले बिगत २ वर्षमा कहिं मजदुर हडतालका नाममा काममा अवरोध नभएको उल्लेख गर्दै सरकारले निजी क्षेत्रलाई आर्थिक बृद्दीको संबाहक थानेको बताउनु भयो ।


पुर्व अर्थमन्त्री तथा नेकपा महासचिव बिष्णु पौडेलले नाकाबन्दीमा समेत अर्थतन्त्रमा योगदान गरेको रुपन्देही लगानीका लागि सबैभन्दा उपयुक्त क्षेत्र भएको बताउनु भयो ।
लगानी सम्मेलनको आयोजक तिलोत्तमा नगरपालिकाका प्रमुअ बासुदेव घिमीरेले गणीतिय हिसावले यत्ती नै लगानी भित्रने हिसाव देखाउन नसकिएपनि लगानी सम्मेलनले तिलोत्तमाको बिकासमा ठुलो योगदान गर्ने आशा गर्नुभयो ।

    Comment Here!


सम्बन्धित समाचार

View All