टोकियो, ७ जापान ।  असोज नेपाल सरकारका ऊर्जा, जलश्रोत तथा सिंचाई मन्त्री बर्षमान पुन (अन्नत) ले नेपाललाई आत्मनिर्भर बनाउन ऊर्जामा लगानी गर्न आग्रह गर्नुभएको छ ।

प्रवासी नेपाली एकता मंन्च जापानले मंगलबार टोकियोको नेरीमामा आयोजना गरेको समृद्ध नेपाल निर्माणमा उर्जाको महत्व र प्रवासी नेपालीको भूमिका विषयक अन्तरक्रिया कार्यक्रममा बोल्दै मन्त्री पुनले समृद्धिको नारा पुरा गर्न देशलाई आत्मनिर्भर बनाउनुपर्ने बताउनुभयो । मन्त्री पुनले सरकार समृद्धिको यात्रामा अघि बढेको बताउदै सरकारको यात्रामा सहकार्य गर्न जापानबासी नेपालीको पनि भूमिका रहेको उल्लेख गर्नुभयो । मन्त्री पुनले समृद्धिको नारा पुरा गर्न सरकारले शुशासन, गरिवी निवारण र उद्यमशिलतालाई प्राथामिकतामा राखेर काम गरेको बताउदै विकास र समृद्धि सापेक्षित रुपमा हुने बताउनुभयो ।

४ दिने जापान भ्रमणमा रहनुभएका मन्त्री पुनले जापानीजहरु नेपालमा लगानी गर्न इच्छुक भएकोले वातावरण मिलाउन समेत आग्रह गर्नुभयो । जापानी विकास नियोग (जाईका) को निमन्त्रणामा मन्त्री पुन ४ दिने भ्रमणका लागि जापान आएको कार्यक्रम संयोजक मोहन पौडेलले जानकारी दिनुभयो । ४ दिने भ्रमणमा मन्त्री पुनले जापानका कृर्षी तथा वन मामिला मन्त्री इटो योशिताका, जापानको लिबरल डेमोक्रेटिक पाटीका महासचिव निकाई तोसिहिरो, जाईकाका उपाध्यक्ष हिरोसी कातो र परराष्ट मन्त्रालयका संग उच्च स्तरीय भेटघाट गरि ऊर्जाकै विषयमा छलफल हुने बताईएको छ । मन्त्री पुन २७ तारिख शुक्रबार स्वदेश फर्कने कार्यक्रम रहेको छ।