उदयपुर, ९ साउन ।  अबिरल वर्षातकाकारण सडक तहसनहस भएपछि उदयपुरको दुई गाँउपालिकामा खाद्यान्नको चरम अभाव भएको छ । उदयपुरको कर्णाली भनेर चिनिने लिम्चुङबुङ, ताप्लीगाउँपालिका पूर्णरुपले सडक विच्छेद भएपछि यस भेगमा खाद्यान्नको अभाव भएको हो । गाउँमा खाद्यान्न तथा उपभोग्य सामग्री ढुवानी नभएकाले दुर्गम गाउँका वासिन्दाहरु भोकै पर्ने अवस्था आएकाले तत्काल हेलिकोप्टरबाट भएपनि ढुवानीको माग गरिएको जिल्ला समन्वय समितिप्रमुख खड्गबहादुर परियारले जानकारी दिए ।

उद्धार र राहतको काम सुगम क्षेत्रमामात्र केन्द्रितभएको भन्दै दुर्गमका जनप्रतिनिहिरुले गुनासो राखेका छन् । सडक अवरुद्ध भएको भन्दै राहतदाताहरु दुर्गममा पुग्न सकेका छैनन् । जिल्ला प्रशासन कार्यालय उदयपुरका अनुसार लिम्चुङबुङ र ताप्लीगाँउपालिकामा १७ मेट्रिकटन चामल सहित विभिन्न उपभोग्य बस्तु ढुवानी गर्ने सरकारी प्रक्रिया अघि बढाइएको हो । गएको बैशाख, जेठ र असार मसनन्तसम्मलामो खडेरीले यस क्षेत्रमा मकै उत्पादन समेत नभएको र वर्षाले सडक सञ्जाल पुर्ण रुपमाक्षति भएपछि हेलिकप्टरबाट खाद्यन्न ढुवानी गर्ने तयारी गरेको प्रमुखजिल्लाअधिकारी धुर्वबहादुर खड्काले जानकारी दिए ।

लिम्चुङबुङमा ९ मेट्रिकटन २०४ केजीचामल, दाल, तेल र नुन ९ क्विनटल २१ केजीका दरले ढुवानी गर्न गाँउपालिकाकाले माग गरेको छ । यसैगरी ताप्लीगाँउपालिकामा ५ मेट्रिकटन ५८ केजिचामल सहितदाल, तेल र नुन ९ क्विनटल २१ केजीका दरले ढुवानी गर्न ताप्लीगाँउपालिकाकाले माग गरेको गरेको छ । स्थानीयतह, प्रदेश र संघीय सरकारको पहलमा हेटिकप्टरबाट त्यस क्षेत्रमाखाद्यन्न पठाउन लागिएको हो । उदयपुरमा ३ जनाको मृत्य, ३१ घर पूर्ण क्षती, ६८ घर अत्तिजोखिममा र १ हजार ५ सय ७६ घर प्रभावित रहेको जिल्लाप्रशासनकार्यालय उदयपुरले जनाएको छ । पिडित र प्रभावितको विवरण थप संकलनका साथै उद्धार र राहतको कामपनिभईरहेको जनाएको छ ।