काठमाडौं, २९ असार । नेपालले मलेसियाविरुद्धको टि–२० अन्तर्राष्ट्रिय शृंखलामा ऐतिहासिक सफलता हासिल गरेको छ ।
दुई खेलको श्रृंखला क्लिन स्विप गर्दै नेपालले ऐतिहासिक सफलता हात पारेको हो।
मलेसियाविरुद्ध आज भएको श्रृंखलाको दोस्रो खेलमा नेपालले मलेसियालाई ६ रनले पराजित गरेको छ । आज उत्कृष्ट व्याटिङ गर्दै विनोद भण्डारीले कप्तान पारस खड्काको कीर्तिमान समेत भंग गरेका छन्। मलेसियाको क्वालालाम्पुरमा भएको खेलमा विनोदले २५ बलमै अर्धशतक प्रहार गरेका थिए । यसअघि पारसको नाममा रहेको टि–२० अन्तर्राष्ट्रियमा सर्वाधिक छिटो अर्धशतक प्रहार गर्ने कीर्तिमान राखेका थिए ।
यससँगै नेपालले पहिलो पटक टि–२० अन्तर्राष्ट्रिय श्रृंखला जितेको छ । यसअघि हिजो भएको खेलमा पनि नेपालबाट मलेसिया ७ विकेटले पराजित भएको थियो ।
प्रतिक्रिया दिनुहोस्