बुटवल, १२ असार ।
स्थानीय निकायलाई असारे विकास सक्ने चटारो बढिरहेका बेला निर्माण व्यवसायीहरुले अलकत्रा अभाव भएको बताएका छन् । बजेट फ्रिज हुने डरले धमाधम असार मसान्त अघि सक्ने गरि स्थानीय तहले एकै पटक सडक बनाउने, ताल्ने र कालो पत्रे गर्ने ठेक्का खोलेसंगै बजारमा निर्माण सामग्रीको अभाव देखिएको छ ।
भारत र तेश्रो मुलुकबाट नेपाल आयात हुने अलकत्रा र मट्टीतेलको अभाब भएको भन्दै असारको मुखमा लिएको ठेक्का समयमा नसकिने प्राय निश्चित भएको निर्माण ब्यवसायीहरुले बताएका छन् ।
भारतबाट नेपाल आयात हुने अलकत्राको आयात दर ९९ प्रतिशत (गाडी संख्याको आधारमा) कम भएपछि रुपन्देही क्षेत्रमा सडक निर्माणको काम प्रभाबित भएको छ । अहिले प्रदेश ५ मा विकासको चरणमा रहेका सडक आयोजना निर्माण सम्पन्न गर्नका लागि झण्डै ५ सय ट्रक अलकत्रा आवश्यक पर्ने लुम्बिनी निर्माण ब्यबसायी संघ बुटवलका अध्यक्ष मोहनलाल जोशीले बताउंछन् । निमौण ब्यवसायी संघले आज बुटवलमा पत्रकार सम्मेलन गर्दै निर्माणका लागि चाहिने कच्चा पदार्थ बिटुमिन,अलकत्रा र मट्टीतेल पाइनै छाडेको बताएका छन् ।
राज्यको निरिहपनका कारण निर्माण ब्यवसायीले दुःख पाएको भन्दै समयमा काम नसक्दा हर्जाना तिराउने सरकारले निमौण समाग्री अभाव हुंदा समयमा उपलब्ध गराउनु पर्ने लुम्बिनी निर्माण ब्यबसायी संघ बुटवलका पूर्वअध्यक्ष जबिन कक्षपतीले बताए ।
‘निर्माणमा समय तोक्ने, आबश्यक कच्चा पर्दाथको अभाब छ, हामीले कहाबाट ल्याउने अलकत्रा, कसरी समयमै निर्माण सकिन्छ ?’ उनले प्रश्न गरे ।
निर्माण व्यवसायी यदुनाथ पाण्डेले सरकारले सहजीकरण गरिदिएमा निर्माणाधीन अवस्थामा रहेका ७० प्रतिशत काम समयमै सकिने दाबी गरे ।
लुम्बिनी निर्माण व्यबसायी संघ बुटवलका सचिब ज्ञानबहादुर पुनले आफूहरुको चाहना समयमै निर्माण सकेर रकम भुक्तानी लिने भएको बताए । तर, राज्यले निर्माण सकेका आयोजनाको रकम भुक्तानी नदिएर विकास निर्माणमा असहयोग गरेको उनको गुनासो छ । बुटवल उपमहानगर भित्र मात्र उपभोक्ता समिती मार्फत दर्जनौ योजनाहरु सम्पन्न गर्ने गरि काम थालिएपनि उपभोक्ता समितीले निर्माण ब्यवसायीहरु मार्फत काम गराईरहेका छन् ।